Angla lingvaĉo

El Neciklopedio

"Al vi oni predikas kaj nin oni pikas"

~ Zamenhof

"Anglalingvano ja estas *persono*"

~ Usonano pri si mem

La angla lingvaĉo estas lingveto parolata de angloj, idistoj kaj esperantistoj. Ĝin parolas ses homoj, du angloj, du idistoj kaj du esperantistoj.

Enhavo 1 Lingveto aŭ lingvaĉo? 2 Gramatiko 3 Ortografio 4 Malavantaĝoj 4.1 Por denaskuloj 5 Bazaj frazoj 6 Citaĵoj pri la lingvo 7 Klasikaj diraĵoj el la angla

[redakti] Lingveto aŭ lingvaĉo?

Kvankam la angla estas tute bona lingveto, en Esperanto ekzistis la kutimo nomi ĝin lingvaĉo. Antaŭ la morto de Esperanto, la esperantisto Kriĉjo provis forigi tiun kutimon, sed neniam sukcesis. Seniluziiĝinte, li instigis Kabe-on skribi la Lastan libron.

[redakti] Gramatiko

Lerni la anglan facilas. Eĉ etaj infanoj povas lerni!

La lingvo estas facila, ĉar

• Ĝi ne havas ian ajn gramatikon, kaj
• Ĝi havas nek artefaritajn regulojn pri vortordo, nek la tielnomatan liberan vortordon, kiu fakte estas nur ilo de totalismaj diktatorecoj. (Vidu ĉefan artikolojn pri rusa inversigo.)

Anstataŭ, ni parolantoj diras la vortojn en la ĝuste sama ordo, kiel ni pensas ilin. Kio povus esti pli simpla? La angla estas verŝajne la unusola lingvo, kie oni povas fari tion.

[redakti] Ortografio

La angla ankaŭ havas la grandan avantaĝon, ke sia ortografio ne estas fonetika. La lernanto havas multajn horojn da amuzo, lernante kiel skribi vorton post vorto. La angla ortografio estas ankaŭ tre bona por la ekonomio, ĉar ĝi ege faciligas la vendadon de vortaroj, kaj alportas pli da labor-ŝancoj por instruistoj.

[redakti] Malavantaĝoj

Amatora fremda aktoro plaĉis al usona reĝisoro. Li volis dungi la aktoron al sia filmo kaj petis, ke li lernu iom da angla lingvo por la filmo. La aktoro ne konsentis. Demandata kial li ne akceptas tiun proponon respondis:” Mi estos lerninta, la reĝisoro ŝanĝos planon, ne dungos min kaj mi restos kun tiu ĉi lingvo kiel stultulo..."

[redakti] Por denaskuloj

Unu malavantaĝon tamen havas la facileco de la angla –– por denaskaj parolantoj, lerni iun ajn alian lingvon tre malfacilas.

[redakti] Bazaj frazoj

Se vi volas paroli angle vi devas koni bazajn frazojn

• My hovercraft is full of eels.

Mia aeroglita boato estas angilplena.

• That's not a hovercraft, it's a small ufo.

Tiu ne estas aeroglita boato, estas malgranda nifo.

• The eels are hiding from the mermaids.

La angiloj kaŝadas sin de la sirenoj.

• How do you fart today?

Kiel vi fartas hodiaŭ?

• I'm farting very well. Thanks!

Mi fartas tre bone. Dankon!

• How much wood would a woodchuck chuck if a woodchuck could chuck wood?

(Neniu konas tradukon sed anglaparolantoj ekridiĝas se iu dirus tion)

[redakti] Citaĵoj pri la lingvo

"Mi ĉiam memoros la voĉojn de infanoj fremdaj, kantantaj en la angla; la sonon de helikopteraj rotoroj batantaj; kaj la odoron de napalmo en la mateno." -- Kolonelo Kurtz

"La angla hodiaŭ estas kiel latino estis antaŭ longe. Krom ke latino estis la lingvo de sklaveco, kaj la angla estas la lingvo de libero." -- Donaldo Anaso

[redakti] Klasikaj diraĵoj el la angla

"Hail to the Chief!"

(Esperante: Saluton al la Ĉefo!)

(Germane: Sieg heil, mein Fuehrer!)