Atismo (aŭ Ateismo)
El Neciklopedio
Jen artiŝoko pri gramatiko de Esperanto! Franda!
(-.-)Zzz
"Mi kabeis!"
~ Kabe pri Atismo
"La participa formo estas stulte laŭ mi, kaj Z nur designis tiel por sekvi eŭropajn lingvojn"
~ reviziisto pri participa sistemo de Esperanto
"Aranĝite, ordigite"
~ Zamenhof kontraŭ atismo
"Ne, vi ne mortos."
~ Lucifero pri tabuoj
"Atismo estas tute stulta."
~ Usona akademiano
Atismo aŭ Ateismo estas maldekstrisma movado, forte influita de evoluismo, kies anoj senhonte uzas la malpermesitan finaĵon -- xx ata xx. Ateismo estas religio aŭ mondkoncepto.
La ismo estas ĝuste priskribita kiel kontraŭ-fundamenta, ĉar ĝi malakceptas unu el la fundamentaj rivelitaj veroj de la Sankta Biblio.
Aateisto estas duoble ateisto.. :)
Enhavo |
[redakti] Rezolucio de la Akademio
En 1989 la Akademio, post konsultado kun la Vatikano, faris rezolucion por la teismo kaj kontraŭ la ateismo.
La rezolucio citis el Genezo ĉapitro 2...
"16 Kaj Dio la Eternulo ordonis al la homo, dirante: De ĉiu arbo de la ĝardeno vi manĝu; 17 sed de la arbo de sciado pri bono kaj malbono vi ne manĝu, ĉar en la tago, en kiu vi manĝos de ĝi, vi mortos."
La signifo estis klarigita de la Papo, kiel sekvas…
"La arboj de la ĝardeno estas ĉiuj vortoj kaj gramatikaj formoj de nia lingvo. La malpermesita arbo estas la malpermesita finaĵo. Ĝi ja estas parto de nia lingvo, sed ni devas neniam uzi ĝin."
Tuj poste, la advokato de la diablo pie diris: "Roma locuta est." Kaj tiel inventis utismon.
[redakti] La aspektoj de la verbo por virinoj
Dum kongreso filino de fama akademiano babilas kun amikino:
— Ĉu vi vidas tiun ĉarman delegiton? Hieraŭ vespere li invitis min en sian ĉambron, por diskuti pri la ata-ita problemo, kaj poste mi estis amorita de li.
— Vi devus diri «amorata», por montri la agrablan daŭron de la ago.
— Ha! — vespiras la akademianidino, mi esperas, ke «amori» apartenas al la verbo-kategorio «daŭro sen rezulto».
[redakti] Voĉo de serpento
Unufoje senkulpa blondulino renkontis serpenton parolantan.
Ĝi mallaŭte sugestis, ke la blondulino pensu pri la tri sekvantaj frazoj...
1. Je la tria horo, mi venis al la fermita pordo.
2. Je la tria horo, mi venis al la pordo, kiu estis fermita.
3. Je la tria horo, la pordo estis fermita.
Laŭ la reguloj de la Akademio, (ĉu ne?) la tria frazo devas signifi, ke oni eke fermis la pordon je la tria horo. Sed kion ili dirus pri la unua frazo? Kaj kion pri la dua?
La blondulino pensis pri kion faru al tiu serpento... Ĉu kaptu per fermata pordo?
[redakti] Vidu ankaŭ
