Biblioteko

"Kion mem mi faras, tion ĉie mi flaras"

~ Zamenhof pri siaj libroj

"Kiam mi pripensas mian gigantan bibliotekon, taŭgas poemo de esperantista poeto"

~ Ralph Dumain pri sia giganta biblioteko

"La mondo-fino proximeskas"

~ idisto

"Ĝisnereveno!"

~ Hans-Georg Kaiser

La biblioteko estas biblioteko. En la biblioteko troviĝas ĉiuj penseblaj libroj kaj ĉiuj tiuj libroj estas de sama formato kaj grandeco. La libroj estas ordigitaj hazarde, aŭ sen ordo, kaj la biblioteko per si mem antaŭas la homaron kaj estas senfina.

Precizaj parametroj

Ĉiu libro havas 410 paĝojn, sur ĉiu paĝo estas 40 linioj kaj en ĉiu linio troviĝas 80 signoj. La teksto estas skribita sole per 22 diversaj literoj, al kiuj aldoniĝas ankoraŭ la punkto, la komo kaj la spaceto, tiel ke la nombro de diversaj signoj uzataj en la libroj estas sume 25.

Universitata Biblioteko

Jiří Kořínek

Miloj kaj miloj en plej diversa vesto

kuŝas sur bretoj, zorgeme registritaj,

pretaj regali vin, pretaj por digesto,

sennombraj pensoj profundaj, grandaj, spritaj.

Kiom da horoj pasintaj en kreado,

kiom da sento, da scio, da ekkono,

kiom da amo la nigropresa svato

al vi elmetas ĉi tie por dispono.

Eĉ se vi povus jarmilojn pluajn vivi,

vi ne elĉerpus ĉi maron ĝis la fundo,

eĉ se mil vivojn vi povus inkluzivi,

vane vi luktus kun libra verk­abundo.

Darfas nur kelkajn posedi ni dorlote,

frandi nur kelkajn el kvanto senmezura,

mar’ plua kuŝos neniam eklegote,

kaj la plej multaj eĉ sen ekkono nura.

Lingvo kaj libro, miraklaj donoj Diaj,

en via mez’ ni spirhalte stari devus,

riĉojn apertas la blankaj paĝoj viaj,

kvazaŭ kurteno de trezorej’ sin levus.