Biero

El Neciklopedio

"biero (plural bieroj, accusative singular bieron, accusative plural bierojn)"

~ Wiktionary pri biero

" la germana biero tiam estis bonega kaj ekzistis diversaj specoj de ĝi: Brema, Prisinga, Emsa biero, eĉ la tiel nomata Brunsvika mumio"

~ ReVo pri biero

"Mi ne trinkas bieron, sed mi pensas, ke eble biero en trinkejoj ankorau’ estas vendata lau’ pajntoj"

~ Anna Lowenstein pri biero

"la biero estus la ricevanto de la mono"

~ Marcos Cramer pri Iu ajn post trinki bieron

"Tio tute ne surprizas min"

~ virino pri supra diraĵo

"Biero estas homfarita, sed vino de Dio!"

~ Lutero pri Biero

"Estas tikla problemo"

~ iu ajn pri kontraŭbierismo

"Unu fakto detruas ĉion"

~ Milokula Kato pri biero

"Ĉu vi serĉis PIVon?"

~ E@I-aktivulo pri biero

Biero estas la plejbona afero en la mondo, sed, bedaŭrinde, oni ne povas seksumi ĝin , pro tio, oni ankoraŭ bezonas virinojn.

Biero estas trinkaĵo produktita per fermentado el akvo, gisto, malto (kutime el hordeo) kaj lupolo. Ĝenerale, ĝi estas blonda, sed ankaŭ povas esti bruna aŭ nigra, sed, kiel virinoj, povas sanĝi la koloron artfare.

Enhavo 1 Biero kaj religio 2 Biero kaj ekologio 3 Biero kaj muziko 4 Leĝo de pureco 5 Heineken kaj politiko 6 Biero kaj geografio 7 Biero kaj virinoj 8 Biero kaj patrolandamo 9 Stultaj sugestoj 10 Gramatike

[redakti] Biero kaj religio

Ekde 1970 Bavaria liveras senalkoholan bieron kiu antaŭ ĉio multe vendiĝas en islamaj landoj. Islamanoj estas herezuloj!

[redakti] Biero kaj ekologio

Estas necese averaĝe 190 l da akvo por havigi glason da pomsuko; 140 l por taso da kafo; 75 l por glaso da biero... Sekve, trinki bieron estas pli ekologia!

[redakti] Biero kaj muziko

Demando: Kial muzikistoj devas trinki tiom da biero?

Kontraŭdemando: Kial bovoj manĝas herbojn?

[redakti] Leĝo de pureco

Leĝo de Pureco estas nazia leĝo pri biero. Laŭ ĉi tiu ordono biero nur rajtas enteni akvon, hordeon kaj lupolon. La celo estas produkti blondajn bierojn pure rase.

[redakti] Heineken kaj politiko

La bierbotelo de Heineken portas ruĝan stelon kiel simbolon. Origine oni volis tiel popularigi ĝin inter la laboristoj. Ĉar en Hungario la uzado de ruĝa stelo estas malpermesita, oni provas pro tio eki juĝproceson kontraŭ la firmao en Hungario (2005).

[redakti] Biero kaj geografio

Malto estas lando uzata por produkti bieron kaj viskion. Alta temperaturo dum sumero ŝanĝa la guston de Malto kaj igas ĝin malhela, tiel ke el ĝi rezultas malhela biero.

[redakti] Biero kaj virinoj

Kial pli konvenas biero ol virinoj?

1. Ĉar biero estas tutmonate ĝuebla,
2. biermakulo estas forlavebla,
3. biero ĉiam pacience atendas vin,
4. malplena bierbotelo estas forĵetebla aŭ redonebla,
5. biero neniam malfruas,
6. biero ne iĝas ĵaluza, se vi ekdeziras alian bieron,
7. la fermaĵo de biero facile forigeblas,
8. se vi eniras drinkejon, vi povas esti tute certa, ke vi ricevos vian bieron,
9. se vi eltrinkis vian bieron, la botelo valoras ankoraŭ kelkan monon,
10. biero ne nervoziĝas, se vi iras hejmen bierodora,
11. biero neniam havas kapdoloron,
12. se iunokte vi trinkas pli ol unu biero, vi ne havas konsciencriproĉon,
13. biero estas ĉiam facile kaptebla,
14. bieron vi povas dividi kun viaj amikoj,
15. vi ĉiam povas esti certa, ke vi malfermis la botelon la unua fojo,
16. biero estas ĉiam malseka,
17. biero ne volas egalrajtiĝi,
18. biero estas ĝuebla ankaŭ en publikaj lokoj,
19. bieron ne interesas, kiam vi alvenas,
20. eĉ malvarma biero estas bona biero,
21. bieron vi ne devas lavi antaŭ ol gustumi ĝin.

[redakti] Biero kaj patrolandamo

La patrolanda Biero (Cezar)

La plej bona biero estas el Ĉeĥio.
La plej bona biero estas el Germanio.
La plej bona biero estas el Svedio.
La plej bona biero estas el (bonvolu enmeti vian patrolandon.)

La plej bona biero do estas la patrolanda.

Kiu ne kredas tion, tiu estu trempita en patrolandan bierbarelon
ĝis li trinkis tiom da biero de sia patrolando, ke ankaŭ li kredas,
ke la plej bona biero estas el la patrolando.

Kaj se iu tamen plu asertas, ke eksterlanda biero estas pli bona,
oni sendu lin per usona defendoraketo al la Luno, sen reveturbileto,
por ke li povu tie trankvile pripensi, kiu biero estas la plej bona
en nia patrolanda mondo.

[redakti] Stultaj sugestoj

Mi volas sugesti ke por la sekcio biero, ni listigu nur la bierfaristojn. En la artikolo, oni menciu la nomojn de la bieroj faritaj. Plue, en la artikolo diskutu la viziteblecojn de la bierfarejoj.

Ankaŭ estus bone se iu scias fari bieron, diskonigi en esperanto tiun teknikon.

[redakti] Gramatike

Renkontiĝas du amikoj.

"Ĉu, eble, teeton?" demandas la unua.

"Vi faris tri erarojn en vorto 'bieron'" respondas la dua.