Da

El Neciklopedio

Iri al: navigado, serĉi


De kaj da
"Ĝi estas por mi ĥina scienco."
~ Zamenhof pri da

Da estas vorto uzata de rusoj kaj majstraj esperantistoj. Ĝi estas a-vorto de la radiko D, el kio ankaŭ venas de kaj do. Ĝuste uzi la vorton da estas ege potenca lertaĵo.

[redakti] Etimologio

La vorto da devenas el la angla da:

  • "You are a man." You are one of many men-- Vi estas neespeciala homo.
  • "You are the man." You are da only man. Vi estas la ununura homo sur la tero.
  • "You are da man." You are da coolest man. Vi estas Barack Obama.

[redakti] PAGanismo

1731 n

Estas tute superflua regulo, ke "DA" ne povas (ne povu) rilati al unuo kaj onoj. Laŭ tiuj gramatikoj (LAŬ PAG certe) la esprimo: "duono DA pano" estas erara. Oni kompreneble kapablas ellerni tiun regulon, ĝi estas eĉ logika, sed absolute superflua, ĉar nenian miskomprenon povas kaŭzi tiu estprimo, la "ĝusta" esprimo, do "duono DE pano" estas nek pli bela, nek pli oportuna. Nenian praktikan damaĝon signifus akcepti ambaŭ formojn.

Tiuj, kiuj opinias ke "duono da kuko" estas "nelogika" kaj ke "duono de la kuko" estas la sola eblo, devas egale kondamni "milionon da enloĝantoj" kaj postuli "milionon de la enloĝantoj". Sed tiu lasta en Esperanto ja havus tute alian sencon (la miliono [da io posedata] de la engloĝantoj).

"Da" simple neŭtraligas la artikolon, samkiel ĝin neŭtraligas la posedaj pronomoj: "mia amiko" inhibicias la uzadon de la artikolo, kvankam ĝi ne malebligas uzadon de sencohava determinilo, ĉu difina aŭ nedifina: "iu mia amiko", "ĉi tiu mia amiko".

Simile "iom da ĉi tiu kuko" -- sed ne "iom da la kuko". Samkiel ne "la mia amiko".

[redakti] Bona instruado

Sadismaj instruistoj uzas la vorton da por mistifiki studentojn. Ekzemple:

Instruisto: Kara studento... ĉu mi havas ĉambron de puniloj, aŭ ĉambron da puniloj?
Studento: Nu... vi havas tia ĉambro, kia enhavas punilojn... do vi havas ĉambron DE puniloj!
Instruisto: Ordinare vi pravus. Sed ne ĉi tiam! Ĉar mi parolis pri la kvanto da puniloj, kiujn mi havas... tio estas, sufiĉe da puniloj, por garni tian ĉambron. Venu kun mi!
Studento: Ĉu en la ĉambro?
Instruisto: Ne!
Studento: Ho, dankon! Kie do?
Instruisto: En la ĉambroN!
Content Navigation
Aliaj lingvoj