Futbalo

El Neciklopedio

Iri al: navigado, serĉi

"Futbalo estas valida vorto, laŭ mia vortaro"

~ Usonano pri futbalo

"Doni al iu la baton de morto"

~ Zamenhof pri futbalo

"Karaj vizitantoj, en nia universala vendejo estas malfermita nova fako - "ĉio por futbalo". Tie vi povas aĉeti bieron, cigaredojn kaj televidilon"

~ Propagando pri futbalo

"mi ne vidas kian specifan burkon vi intencas montri - estis nura futbalo plej enuiga."

~ Gerrit Berveling pri burko

"Pri la sportoj: se en aliaj lingvoj oni diras football, Fussball kial oni devas nepre aldoni "ad" en Esperanto?"

~ Marcos Cramer pri bonalingvismo

""Sokero" ("futbalo", "piedpilkludo") estas prenita de la afrikansa, irlanda kaj cebua"

~ Andreas Kueck pri usona imperiismo

"La golo estas la orgasmo de la futbalo"

~ Dario, brazila futballudisto pri seksumado

"Kiu havas la domaĝon, tiu ne zorgu pri la moko"

~ Lutero pri futbalo

"Veni a mi pagina de Facebook pro discuter le partita grande de Chelsea contra Manchester United."

~ Feĉjo Cesarano pri futbalo

"soccer: football international"

~ vortaro angla-interlingvao pri futbalo

"Angla ekzempla frazo: Football is my favorite game."

~ Tatoeba pri futbalo

Futbalo estas fikcia ludo kaj sporto. Futbalo aŭ piedpilko (Futbalo estas pli ofta) estas nacia brazila sportaĉo, ĉiuj brazilaj idiotoj kredas kaj bone scias ĉi tiun sportaĉon, vere ili estas futbolemaj, vere futbolemaĉaj.

[redakti] Lingvaĉa noto

Futbalo estas futbal+o kaj fut+bal+o. Etimologie Fut-bal-o estas balo dum kiu oni festas la futojn... sed hodiaŭ oni preferas la metran sistemon :p :D ;)

La derivado nur sĥajne ekzistas en Esperanto, nur regas la vortkonstruon la ordigita kunmetado ekde la finaĵo, kiun oni devas rigardi kiel vorton. (Lau la Z-a kaj Fund-e Gramatika senco). Do pied'pilk'i tute eblas eĉ sen aldono de -ad au -lud. Pied'pilk'o Fundamente enhavas *tri* vortojn same vapor'ŝip'o.

[redakti] Ĉu PIV aŭ ne PIV ? Jen la demando!

En la tre baldaŭa reeldono de novaPIV, Futbalo estos difinita kiel "normal" nomo de "soccer", dum piedpilko estos grupo entenanta futbalo + usonan, kanadan, australian, gaelan (ĉu aliaj?) piedpilkoj. Almenaŭ la aŭstrala kaj gaela versioj devenis de la origina angla versio (kaj verŝajne la du aliaj cititaj), do logike ili nomiĝu "australa futbalo" kaj "gaela futbalo". Tamen usona kaj kanada futbalo ne estas piedpilko, sed man-ovo.

Ĉu ni devus rezervi piedpilko por la ĝeneralo de sportoj per piedpelitaj pilkoj kaj futbalo por la tutmonda variaĵo de FIFA? Kelkaj pensas ke piedpilko estas speco de pilko, ne speco de ludo. La vorto 'futbalo' estas tre internacia, do ĝi pliuzendas titole anstataŭ piedpilkado aŭ piedpilkludo. Sed aliaj demandus kiu speco estus piedpilko se ĝi estas pilko? Ĉu pilko kun piedoj? Tute male, se oni preferas la malprecizon, kiel oni nomas tiun pilkon, kiam oni uzas dum futbalo, se ne la "piedpilko"? Oni celu je precizon en enciklopedio. Pilko estas pilko. Se piedpilko sensencas, oni tute ne uzu ĝin.

La uzo kaj PIV fiksis la vorton piedpilko kiel ludo, ne kiel pilko (same kiel korbopilko, kvarmurpilko, maleopilko,ktp). Tiu kazo ne estas malofta: plenpoto ne estas poto sed kvanto de poto, ktp. Piedpilkado kaj piedpilkludo ne estas eraroj: ili simple estas pezaj, ne utilaj. Kiam ne utilas, oni prefere ne uzu la afiksojn.

[redakti] Vetero

Futbalo estas ludo, dum kiu 22 viroj en buntaj klaŭnaj vestaĵoj staras sur verda razeno. Poste aperas viro nigre vestita, fajfas kaj ekpluvas.

[redakti] Ĉu?

Kio estas tio? Tio havas mil piedojn kaj laŭte krieeegas.

-- Tio estas 500 viroj en la futbalmaĉo.

[redakti] Huligano

Policisto pridemandas junan huliganon.

-Kie vi loĝas?

-Tie kaj tie.

-Kion vi laboras?

-Tion kaj ĉition.

-Vi devas veni kun mi.

-Kaj kiam mi liberiĝos?

-Antaŭe aŭ poste. ;o)

[redakti] Infana futbalo

Joĉjo: S-ino Delkamp, ĉu Toĉjo povas veni ludi futbalon kun ni?
S-ino Delkamp: Ne. Li estas tro malsana por eliri la liton.
Joĉjo: Nu, do... ĉu lia pilko povas veni ludi kun ni?

[redakti] Bazaj reguloj

  1. Futbalo estas futbalo.
  2. Futbalo estas kiel ŝako sen ĵeti kubon.
  3. En futbalo ludas 11 kontraŭ 11.
  4. La merito de mia golo ŝuldiĝas al teama kunlaboro, kiu vere signifas "sen mi, la teamo sinkus".

[redakti] Profesia futbalo

Futbalisto al agento:
- De unu flanko mi povas subskribi tiun ĉi kontrakton, sed de alia...
- De alia ne necesas, tie estas pura folio.

[redakti] Futbalo post morto

La futbolŝatantoj ludas ĝin eĉ transmonde:

Du amikoj amis ludi futbalon. Tamen, bedaŭrinde unu el ili mortis. Malkonteta pro la morto de sia amiko, unu provas kontakti alian per mediuma kunsido: - Ĉu vi fartas bone?! Kia estas la alia flanko de la vivo?! - Ĉi tie estas bonega loko! Kaj ankaŭ ekzistas futbalo! - Ĉu vere?! Do, estas bonege!

- Jes, estas bonege! Sed plej bonege estas ke vi partoprenos nian teamon, en la proksima ludado kiu okazos en la venonta semajno!

[redakti] Rusa futbalisto

Rusa futbalisto mortis kaj okazis esti en la ĉielo. Sankta Petro ial forestis, do li libere eniris la paradizan pordegon. Tiam aperis la apostolo kun fasko de ŝlosiloj enmane kaj demandis: "Kiu vi estas?" - "Mi estas rusa futbalisto" - "Rusa? Sed ja kiel vi trafis pordegon?"

[redakti] Futbalo kaj laboro

Iufoje, dum duonfinaloj de la futbala mond-ĉampionado, en la Oficejo pri Naturaj Rimedoj de la Direkcio pri Planado, la oficistoj metis etan televidilon sur skribotablo por rigardi la matĉon. Subite, pasis inĝeniero kaj ekdiris: - "Aha!... Rigardante la matĉon dum labortempo! Mi rakontos al la ĉefo pri tio-ĉi!" Kaj la grupo respondis: - "Venu kaj rakontu al li tuj, li sidas tie-ĉi kun ni".

[redakti] Estonta dungo

La patro prenas novan ĵurnalon kaj legas grandliteran titolon: "Miliondolara kontrakto kun fama piedpilkisto". Li ĵetas rigardon je la filo, kiu legas siajn lernolibrojn, kaj diras kun domaĝo:
- Nu, ĉu vi algluiĝis al la lernolibroj? Iru korton kaj ludu pilkon.

[redakti] Lingva problemo

Lerta norvega piedpilka arbitristo ricevis proponon arbitri en Anglujo. Amiko forte kuraĝigis lin akcepti la proponon, sed la arbitristo hezitis: "Ne, mi ne kuraĝas." "Kial?" demandis la amiko. "Mi tro malbone parolas la anglan; mi eĉ ne scias, kiel oni diras offside!"

[redakti] Futbalo la internacia lingvo!

Kiu bezonas Esperanton kiam oni povas spekti Anglan Futbalon? Ĵurnalistino Vivienne Crow vizitis Rumanion kaj ne povis interparoli kun la loĝantaro. Tamen ili komune spektis piedpilkon en la televido!

[redakti] Sekreto

Ulo ludas en amatora futbalteamo. Ĵurnalisto intervjuas lin.

"Kiel okazas, ke via teamo ĉiam venkas?"

"Ni trovis absolutan armilon," klarigas li.

"Kaj pri kio temas?"

"Ni neniam purigas niajn ŝtrumpetojn."

[redakti] Gravaĵo

La futebolteamo Esporte Clube São José de Porto Alegre, Brazilo, neniam gajnis titolon kiel ĉampionon eĉ urba sed ĝi eniris en la historion de la futbalo pro tio, ke ĝi estis la unua futbalklubo en la mondo kiu vojaĝis per aviadilo por ludi kontraŭ alia klubo - tio en 1927, fakto registrita de FIFA. São José fariĝos centjara en 2013.

[redakti] Sportentuziasmo

Bona homo estis entuziasma adepto de futbalo. Li ne ludis mem, sed ĉiun semajnfinon li ĉeestis iun futballudon, ĉiun lundon li legis en la gazeto pri la estintaj ludoj kaj dum la semajno li studadis la prognozojn pri la estontaj.
Tiel okazis, ke iutage li trovis sian junan edzinon larmanta. Al lia demando ŝi plorĝeme riproĉis lin: “Vi ja konas nur vian futballudadon, nenion alian, vi eĉ ne memoras la tagon, en kiu ni geedziĝis!”
Sed jen viro ekbrilis: “Ho certe! estis en la sama tago kiam Oksfordo venkis Londonon 3:2!”

[redakti] La Reĝo

Pelé

[redakti] Penalo

En futbalo penalo (aŭ "punŝoto") estas formo de libera ŝoto farota de la penalpunkto al la golejo, kiu estas defendata sole de la golulo.
Kaŭzo por penalo estas delikto en la penalareo kiel faŭlomanludo. Se tia delikto okazas ie en la ludkampo, ĝi estas punata per rekta libera ŝoto, se ĝi okazas en la penalareo, la matĉestro aljuĝu penalon al la teamo por rekompenci pro ties golŝanco. Evidente penalo povas esti decida por la matĉrezulto, tial foje ludistoj provas ŝajnigi faŭlon per faliĝo en la penalareo. Tia trompo estas punebla per flava karto.

[redakti] Kontraŭregulaĵoj

Kontraŭregulaĵoj dum la penalo (moviĝo de la golulo, eniro en la prostitucia zonon) estas traktataj laŭ la regulo de avantaĝo. Ĝenerale:

  • Ĉe kontraŭregulaĵoj de la teamo:
    se golo estis atingita, ĝi validas, alie la ŝoto estas ripetata.
  • Ĉe kontraŭregulaĵoj de la alia teamo:
    se golo estis atingita, la ŝoto estas ripetata, alie libera ŝoto estas aljuĝata kontraŭ la ŝokinta teamo.
  • Ĉe kontraŭregulaĵoj ambaŭflanke:
    la ŝoto estas ripetata.
  • Se la ŝotinto relutas la pilkon antaŭ tusado de alia ludanto, libera ŝoto estas aljuĝata kontraŭ la ŝokinta teamo.

La matĉestro ankaŭ povas admoni ludantojn pro kontraŭregulaĵo (kurado en la prostitucian zonon) per flava karto. Notu ke fakte la plimulto de kontraŭregulaĵoj ne estas punataj.

[redakti] Pertelevide

Policisto spektas matĉon en la televido. La edzino kuiras en la kuirejo, kiam ŝi aŭdas, ke ŝia viro kriegas, kiel li povas, plengorĝe:

– Goooool!

Post ioma tempo ŝi aŭdas novan kriegon:

– Goooool!

La edzino eniras kaj demandas sian edzon:

– Diru Jozefo, kiuj enpafis la golojn?
– La unuan Haĝi, la duan Replay.

[redakti] Vidu ankaŭ

Maradona