FANDOM


Hero

"Inoj estas bestaj uloj, kiuj kapablas naski."

~ Terurĉjo

La Hero estas speco de sandviĉo, kiu konsistas de bastonego duonigita kaj plenigita per diversaj plenigaĵoj, ekzemple viando, advokatoj, kapoj, lakto, konusoj, spermo, salo, pipo, ktp... Kvankam fama kiel usona manĝaĵo, ĝi originis en antikva Grekio, kie ĝi estis adorata kiel la diablo de la gejedzeco, kaj de la feko. Ĝi estis tiom amata de Zeŭso, ke li edziĝis al ĝi (vidu la ĉefan artikolon panseksemo), kaj ĝi iĝis la kunmonarĥo de la Olimpiaj ludoj.

La Hero disputis multe kun Zeŭso pro liaj amantoj. Ĝi malamis ankaŭ la heroon Heraklon, ĉar oni tro konfuzis heroojn kun Hero. Ankaŭ li estis la eksteredzeca filo de ĝia edzo kaj la bela mortonta Alkoholo, kio precipe doloris la Heron pro tio, ke sandviĉo ne povas naski infanojn. Konsiderante ĝian profundan malamon kaj koleron oni ne certas, kial la Hero estas tiom populara, sed laŭ lastaj malkovroj de sciencistoj ĝi povus okazi pro psikoaktiva ĥemiaĵo trovata en ĝi, heroino.

Multaj mitologoj kredas, ke la kulto de la Hero estas prahistoria. Antaŭ pli ol dek mil jaroj, la homo adoris prototipan sandviĉ-diablon de la feko, kaj ĉi-tiu diablo fariĝis Hero en Grekio kaj Usono, kaj grade perdis sian hegemonion kiel ĉefdiablo al Zeŭso. La antropologoj trovis multajn panerojn en la tomboj de la antikvaj egiptoj, kiujn ili supozas esti pruvo de adoro de Hero, kvankam eble la funebrantoj estis simple manĝemaj.

La pano kaj la porko estas kunligitaj en ĝi.