Hipio

El Neciklopedio

Iri al: navigado, serĉi
Hipioj

"Forveturis malsaĝa, revenis nur pli aĝa."

~ Zamenhof pri la hipiaro

"Strangegulaĉoj."

~ Richard Nixon pri hipioj

"Kiun vi elektus: ĉu senpagaj fikado kaj drogoj, aŭ batalado en Vjetnamio?"

~ Hipio

"Manifestate in le medie parte del annos 1960 e habente su radices in le Beat generation."

~ Interlingvaista hipiologo

Hipio (el la angla hippy t.e. hip "ŝika") aŭ "La generacio de 1968" estas nomo por tiuj oldaj riĉulidoj, kiuj kiam ili junis dum la 1960-aj jaroj kaj la 1970-aj jaroj en Eŭropo, Nordameriko kaj Japanio ribelis kontraŭ siaj gepatroj kaj ties socio pro enuo.

Ili subite trovis sin neglektataj de generacio, kiuj laboris anstataŭ atenti ilin, kaj de socio, kiu ordonis al ili ne konsumi drogojn. La nova populara muziko kaj la novaj gravedpreventiloj donis al ili impreson pri libereco, kio kondukis al senzorgaj vestaĵ- kaj harar-modoj inspiritaj de Hindio kaj Romantikismo, kaj liberaj sintenoj al amoro kaj kelkaj drogoj, precipe mariĥuano, haŝiŝo kaj psikedelaĵoj kiel LSD. La hipioj deziris ŝanĝi la mondon, kaj efektive faris tion (tial oni ne plu militas) per protestomarŝoj (ĉefe kontraŭ la Usona interveno en Vjetnamio), malemo eniri la normalan socion, kaj aliĝo al alternativaj movadoj kaj idealoj, interalie Esperanto. Tiel, oni povas diri, ke la tempo de la hipioj estis flor-tempo por Esperanto. Multaj hipioj eksperimentis per alternativaj famili-strukturoj, kiel familia komunumo.

La hipia kulturo estis nomita la kontraŭkulturo, ĉar ĝi staris kontraŭ la kulturo de la gepatroj. Ĝi fontis el antaŭa movado bitnikoj.

Usonaj junuloj laboris pli la religian flankon de la movado kaj esploris malpli formalajn versiojn de kristanismo, novpaganismo, hinduismo (Hare Krishna) kaj budaismo. Multaj sektoj logis junulojn. Oftis sinkretismo inter tiuj religioj. Oni valoris la mistikon pli ol la racia sperto de diaĵoj. Tiuj hipioj maljuniĝintaj ekis la Novan Eraron, t.e., la prezidentecon de Donaldo Trompo.

En Okcidenta Eŭropo, la junulaj movadoj pli esploris maldekstrisman politikon ekster la sovet-komunisma rigido. Anarĥiismo, situaciismo, trockismo, feminismo, ekologiismo, kontraŭrasismo estis studataj. Ĉe kelkaj, tiuj influoj pelis ilin al perforta revolucio, kiun dum la 1970-aj klopodis terorismaj grupoj.

[redakti] Sloganoj

Famaj sloganoj de la hipioj estis:

  • Make love, not war! (angle [mejk lov not ŭo] "Amoru, ne militu!")
  • Peace and love (angle [pisn lov] "Paco kaj amo")
  • Flower power (angle [flaŭa paŭa] "Flora potenco" (kaj ne de armiloj))
  • Soyez réaliste, demandez l'impossible (france "Estu realisma, petu neeblaĵon")
  • Never trust anybody over 30 (angle "Neniam fidu pli-ol-30-jarulojn")
  • Sex and drugs and rock & roll ( angle "Seksumo, drogoj kaj rokmuziko")
  • I got mine, fuck you! (angle "Mi sukcesis por mi, vi forfikiĝu!")
  • Make America Great Again (angle "Reblankigu Usonon")
Content Navigation