Hundo
El Neciklopedio
"Al hundo bastono -- al hom' leciono"
~ Zamenhof
"La vigla bruna vulpo trans-saltas la pigran hundon"
~ anglo pri hundo
"Hundo estas ŝuo?"
~ Komencanto pri hundo
"Me havas hundo qua esis plu intelektoza ke Vu, Esperantisti"
~ Idisto pri hundo
Hundo estas plej bona amiko de homo. Ili inventis la faman hundan pozicion, por helpi homajn parojn. Hundoj ofte ĉasas katojn, pro kompato al musoj.
Enhavo |
[redakti] Utilo
Familio tagmanĝis en luksa restoracio. Post la manĝado patro alvokis la kelneron kaj petis:
- Kelnero, bonvolu paki ĉi tiun restintan viandon, por ke ni donu ĝin al nia hundo.
Aŭdinte tion, liaj gefiloj laŭte kriis: - Bonege! Paĉjo aĉetos hundon!!!
[redakti] Veturilo
Du puloj eliras kinejon en venta kaj pluva nokto. "Ĉu ni iru hejmen piede?" demandas la unua pulo. "Ne," respondas la dua. "Ni prenu hundon."
[redakti] Kontribuoj al politika vivo
Hundoj ne rajtas voĉdoni. Malgraŭ tio, ili jam kontribuis multe al politika vivo.
Ekzemple, antaŭ malmultaj jaroj, la scivola Barack Obama demandis:
- Kial hundoj lekas al si la ĉurovojn?
Tuj respondis lia hundo:
- Ĉar ni ja povas!
Kaj la cetero estas historio.
[redakti] En oficejo
Hundo preterpasas laborperejon kaj vidas ŝildon: Ni serĉas sekretarion, kiu kapablas tajpi 12 paĝojn hore kaj regas fremdlingvon. La hundo eniras, kaj demandas, ĉu oni ankaŭ akceptas hundojn.
— Ĉu vi scipovas tajpi, demandas la ino malantaŭ la tablo.
— Jes diras la hundo kaj eksidas ĉe libera komputilo kaj rapidege skribas leteron.
— Nu bone, diras la ino. Kaj kion pri fremdlingvoj?
_ Miaŭ, miaŭ! respondas la hundo.
[redakti] Ĉe la psikiatro
Psikiatro: De kiam vi kredas esti hundo?
Paciento: Jam de kiam mi estis hundido ...
[redakti] Mirinda hundo
Ulo eniras trinkejon kun hundo. La ulo asertas, ke la hundo povas paroli, kaj ofertas vendi ĝin. La kelnero ne kredas, ke la hundo povas paroli, kaj ne deziras la hundon. Sed, tiam, la hundo diras "Aĉetu min. Mi petas, iu aĉetu min. Mia proprietulo estas kruela kaj aĉa. Li foje frapas min kaj batas min. Mi estas bonega hundo. Mi estis vivsavinta hundo. Mi havas tri medalojn pro braveco. Mi petas, aĉetu min."
La kelnero demandas al la proprietulo, "Kial vi vendas ĉi tiun mirindan hundon?"
La ulo diras, "Mi tute ne povas toleri liajn mensogojn!"
[redakti] Helpemo
Amikoj promenas en parko. Ili ekvidas hundon kiu lekas siajn ĉurovojn.
Unua amiko: Ho, mi ŝatus povi fari tion!
Dua amiko: Bone, mi tenos la hundon por vi
[redakti] Superflueco
— Mi volas aĉeti trinkvazon por mia hundo.
— Bonvolu, sinjorino! Jen tre taŭga ujo! Eĉ surskribo staras sur ĝi: "La trinkilo de la hundeto", por ke hazarde oni ne uzu ĝin por alia celo.
— La surskribo estas superflua. Mia edzo neniam trinkis akvon, kaj mia hundo ne povas legi.
[redakti] En Kinejo
En kinejo, iu sinjoro sidas kun sia hundo, kiu atente rigardas la filmon.
Alia sinjoro, kuriozigite, lin demandas: "Ĉu vere via hundo rigardas la filmon? Kiel tio eblas?"
"Vere, tio estas tre stranĝa afero", respondas la unua sinjoro, "precipe konsiderante ke ĝi tute ne ŝatis la romanon!"
[redakti] Danĝereco
Malgraŭ utilaj, hundoj estas ofte danĝeraj. Ekzemple, se ni permesos liberan kuradon de hundoj tra la parkoj, homoj prenos ilin sen buŝumoj eĉ en aŭtobusojn kaj post momento eĉ sur ferdekon de aviadiloj, kaj de tio estas nur paŝeto al tio, por ke ili mordu piloton kaj kaŭzu aviadilan katastrofon.
[redakti] Gorilo en arbo
Virino vidas gorilon en arbo ekster sia domo. Maltrankvile, ŝi traserĉas sian telefonlibron, kaj telefonas la lokan "Gorilo-Foriga Servo."
La viro de la Gorilo-Foriga Servo alvenas. Li havas reton, hundon, kaj pafilon. La virino ne volas, ke la gorilo mortiĝu, nur ke la gorilo foriĝu. Ŝi diras, "Vi ne pafos la gorilon, ĉu?"
La viro diras, "Ne maltrankviliĝu, mi forigos la gorilon, ne pafos ĝin. La procedo estas jene: Mi grimpos en la arbon kun la gorilo. Tie, mi skuos la branĉojn, por ke la gorilo falu teren. Tiam, mia hundo ekprenos la gorilon ĉe la testikoj. Tial, la gorilo senmoviĝos, dum mi elgrimpos. Tuj kiam sur la tero, mi ĵetos la reton sur la gorilon, kaj portos ĝin for."
La virino diras, "Sed, kial vi havas pafilon?"
La viro diras, "Ho, vi ektenu tion. Se mi falos el la arbo anstataŭ la gorilo.... pafu la hundon!"
[redakti] Hundo kaj najbaroj
[redakti] Manĝo
- Sinjoro, via hundo manĝis unu el miaj kokinoj.
- Dankon, bona homo, pro via averto. Hodiaŭ vespere mi ne donos al ĝi
manĝaĵon.
[redakti] Kompato
Najbaroj interparolas:
- Al kiu via edzino konstante krias?
- Ĉu krias? Al nia hundo.
- Kompatinda besto. Hieraŭ ŝi promesis forpeli ĝin al strato kaj forpreni ŝlosilon de la loĝejo.
[redakti] Hundo bojas...
Ĉiunokte la bojegado de la najbara hundo malhelpas Krukon dormi. «Ĉi-foje estas tro!» li ekkrias, saltas el la lito, kaj eliras la dormoĉambron. Li revenas post kelkaj minutoj, kaj mirigita Jozefino demandas, «Sed kion vi faris, Kruko? Ĝi plu bojas.» «Mi metis la hundon en NIAN ĝardenon. Tiel ĉi, la najbaroj ekkomprenos!»
