Julio Bagio
El Neciklopedio
ESPERANTISTO
Preĝu antaŭ legi ĝin, ne tuŝu ĝin, ne moku pri ĝi!!!
La dediĉita Esperantisto ne malŝparas tempon per aferoj ĉi tiaj...
"Ne ekzistu ĉe vi aliaj dioj antaŭ Mi.""Proverbo estas sperto, proverbo estas averto"
~ Zamenhof pri proverboj, tute senrilate al Bagio
Julio Bagio estis tre fida ano de la E-movado. Li interesiĝis nur pri la lingvo, neniam pri kanto, vino, turismo, kanabo, nek knabinoj.
Enhavo |
[redakti] Versoj pri dediĉo
La pureco de lia dediĉo estis esprimita en la sekvaj klasikaj versoj...
- Mi ne tre spertas uzi reton,
- sed provos skribi poemeton.
- Mi ne estas fiŝ-kaptisto,
- estas mi Esperantisto.
...nek ĉi tiaj.
- Nek la goon, nek la ŝakon,
- ludas mi nek la triktrakon.
- Mi ne estas vet-ludisto,
- estas mi Esperantisto.
- Por mi nek Marso nek Titano,
- nek Venuso, nek Urano.
- Mi ne estas spac-turisto,
- estas mi Esperantisto.
- Dolĉaj kantoj pri espero
- estas ne por mi afero.
- Mi ne estas rok-kantisto,
- estas mi Esperantisto.
- Plaĉas verkoj pri la verbo,
- ne tagmezmanĝo sur la herbo.
- Mi ne estas naturisto,
- estas mi Esperantisto.
- Ne plaĉas al mi kunaj banoj,
- kviete esplorantaj manoj.
- Mi ne estas porn-fotisto,
- estas mi Esperantisto.
[redakti] Fieta kuzino
Li havis kuzinon, Julia Bagio, kiuj ankaŭ skribis poemojn en Esperanto, sed havis multe pli da amuzo. Eĉ la goon ŝi kelkfoje ludis.
[redakti] Klono
Alie, Bagio havas klonon en paralela universo: Julio Baghy.
[redakti] Vidu ankaŭ
Por pliaj ekzemploj de la verko de Bagio, vidu:
