Kabe

El Neciklopedio

Iri al: navigado, serĉi
2.240.jpg

ESPERANTISTO

Tiu ĉi artikoro estas pri sanktulo Esperantisto
Preĝu sub la Verda Standardo antaŭ legi ĝin, ne tuŝu ĝin, ne moku pri ĝi!!!


1903 n.jpg

"Amikeco aparte, afero aparte"

~ Zamenhof pri Kabe
Cavaleiro.jpg

"Kabe: Li venis, vidis, venkis kaj forkuris"

~ Hans-Georg Kaiser

"Kabe por sia traduka laboro konstruigis specialan meblon por havi tujan aliron ne nur al la originalo, sed ankaŭ al alilingvaj tradukoj"

~ Fra Simo pri mebloj

"Kabe ghenerale estas forte misinfluata de la franca"

~ bonalingvano pri Kabe

"Me dumi ke me he sol passi circa shi procenta fon may energias al scribing."

~ Lingvadeplanetano pri io, kiun neniu komprenas

"Se io pli tedas ol eterna komencanto, tio estas eterna kabeonto"

~ Klivo pri Jurij Finkel

"West Kabe es provinse de Sud Afrika. Li provinse es diviset in 6 distriktes: Kabe Urbe, West Mare-borde, Kabe Vine-landes, Overberg, Eden, e Sentral Karu."

~ Noviala vikipedio pri Kabe

"Ĉu kabei aŭ ĉu ne? Jen la demando."

~ Hamleto
Kabe (Kaĉjo intime) estas plumnomo de Kazimerz Benzino (18721959), eminenta pioniro de Esperanto, aŭtoro de multaj tradukoj forte influintaj la lingvon kaj kontribuintaj al ĝia maturiĝo; agnoskite „la unua stilisto esperantista“. Li estis unu el la 12 Apostoloj de Zamenhof (ankaŭ konata kiel La Majstro), li estis granda misiisto de la zamnehofa mesaĝo. En 1911 Kabe subite kabeis.
1-1.gif

[redakti] Vivo

Kabepneuke big.jpg

Li naskiĝis en Volapukio, en la insulo ...,ne gravas. En 1886 K. Benzino patentigis la unuan sukcesan benzinan aŭtomobilon kaj riĉigis per vendado de pneŭoj.

En 39 p.Z. li vojaĝis, kaj poste translokiĝis al Eŭsklingvio. Li konatiĝis kun posteuloj de Sabino Aarono kaj instigis ilin esperantistiĝi, sed nur kelkmilo de tiu granda popolo akceptis la novan savigan mesaĝon. Unue li nomis ĉi tiun lingvon "Lingwe Internasia", Kabe neniam ŝatis ĉi tiun nomon, do post kelkaj jaroj dum la Unua Konsilio okazinta en Bulonjosurmero li proponis al la aliaj apostoloj kaj kredantoj ŝanĝi la nomon al Esperanto en ĉi tiu projekto.

Kabe estas konsiderata de la idistoj kiel unu el la plej grandaj homoj de la homaro. Tio estas ĉar li dubis plurfoje, kiam la sekvantinoj de Zamenhof diris lin, ke La Majstro leviĝis el la tombo.

[redakti] Edziĝo

Kazimiro Bejna kabeis ne pro mankoj de Esperanto sed pro kontraŭEsperantisma edzino. Post ŝia morto li revenis jam grandaĝa al Esperanto... sed ne plu prilumis ĝin.

[redakti] Alie

La unua enesperanta depeŝo estis ĝuste la kaŭzo ke kabe kabeis. Li sendis depeŝojn plurajn al la tiama esperantistaro por ke ili vere parolu esperanton, kaj ne nur, bonan tagon, kiel vi fartas... krome, li diris en tiu depeŝo ke li foriĝos de la esperanta movado se la esperantistoj ne faru tion tion li volis ke ili farus. Li skribis:

Esperantistoj,
Se vi ne parolos esperante dece, mi aliformiĝos; forgesos esperanton kaj mi iros danci kankanon en Francio. Dirite, farite.
39 n (1).jpg

[redakti] Parolado

Fama estas la diraĵo de Kabe en 1831:

"La Esperantistoj, jes, ili havas multajn mankojn. Antaŭ ĉio ili ne scias sian lingvon! Ili tiel malbone parolis [...] ke mi petis paroli al mi en nacia lingvo kaj mi respondos Esperante. Mi memoras dum iu universala kongreso diversajn paroladetojn. [...] kaj poste mi parolis: Mi opinias ke Esperanton plej necese devas lerni la Esperantistoj mem! ... kion kvitancis la kongreso per granda aplaŭdo."

[redakti] Matematiko

Fia studento, Kabe, germano, komencis labori je ĉi tiuj datumoj.

[redakti] Astronomio

Kabe malkovris la leĝojn de planeda moviĝo, kiu provizis fortan subtenon por la heliocentra teorio de la sunsistemo de William Shatner.

[redakti] Kabeado Kaj Kriĉjado (KKK)

Kabeado, laŭta aŭ silenta, estas fenomeno nemalofta en Esperantujo. Tamen Christopher Culver (Kriĉjo) ne nur forlasis la movadon, sed provas kontraŭlabori ĝin, kaj tion multaj esperantistoj evidente opinias perfido. En anglalingva teksto publikigita en la reto li asertas, ke la Esperanto-movado estas insida komploto kontraŭ lingva diverseco, kaj petas ke eŭropanoj skribu al la Konsilio de Eŭropo por protesti kontraŭ ĝia financa subteno al TEJO.

Kompreneble, se oni ŝanĝas la signifon de "kabei", oni povas senti la mankon de vorto por tiel kutima agado kiel la forlaso de nia lingvo aŭ nia movado. Sed oni povus ja uzi en tiu signifo la vorton kriĉji, kiun iuj jam proponis. Tiu vorto taŭgus precipe se la foriro estas brua kaj la kauzo estas stulta. Tio havos kroman grandan avantaĝon: certe multaj esperantistoj plu kriĉjos, sed almenaŭ ili ne fieros pri tio.

[redakti] Rimportreto

0521 o.jpg

Rimportretoj XXVII: Kabe (Kazimierz Bein)
(Kálmán Kalocsay)

Ho, Kabe, Kabe, Kabe, Kabe,
Droninta vive en la morto,
Kia mister-malica forto
Vin povis de ni preni rabe?
Ni lernis de vi lernantknabe
Kuiri en la stilretorto.
Ho, Kabe, Kabe, Kabe, Kabe,
Droninta vive en la morto!
Kaj nun ni miras gape, strabe
Pri via karier-aborto.
Al vi la esperanta vorto
Nun eble sonas jam arabe...
Ho Kabe, Kabe, Kabe, Kabe.
Content Navigation
Aliaj lingvoj