Kosmonaŭto

El Neciklopedio

Iri al: navigado, serĉi
DrunkYoda
tipa kosmonaŭto
"Aliloka ĉielo estas sama ĉielo"
~ Zamenhof

"In orbita grave nil.
(En orbito pezas nenio.)"

~ Latina proverbo
69c o

"Mi volas esti senkaŝe, malafable honesta"

~ Cindy McKee pri kosmonaŭtoj

"Mi supreniros en la ĉielon, pli alten ol la steloj de Dio mi levos mian tronon…"

~ Ĉefanĝelo Lucifero, patrono de kosmonaŭtoj

"Feliĉaj estas la humilaj, ĉar ili heredos la Teron."

~ Jesuo pri nekosmonaŭtoj

".........!!!!"

~ Mutulo pri kosmonaŭtoj

"Fizike ni loĝas en spaco, sed sente ni estas loĝataj de memoro"

~ José Saramago pri spaco

"La astronaŭtoj ne povas eructar ĉar la ingravidez ne permesas la disiĝon de likva kaj gaso en liaj stomakoj"

~ hispanlingva krokodilo pri kosmonaŭto

Kosmonaŭtoastronaŭtokosmoŝipisto [1] estas persono (viro, virinoinfano; aŭ malpli ofte porko, anasomuso), kiu flugas tra spaco per (nu, ne ĉiam!) rusa kosmoŝipo.

Spaconudismo
Historia anonco pri la unua nudisma festo en orbito.



[redakti] Historio kaj teda lingva noto

Ec27 ok

Kiam komenciĝis la vetkurado en spaco dum la malvarma milito, Sovetunio uzis la vorton "kosmonaŭto" kaj Usono "astronaŭto". Pro tio, multaj naciaj lingvoj uzas la vortojn kosmonaŭto, spaconaŭto, astronaŭto, kaj tajkonaŭto (ĉi tie esperantigataj) por respektive distingi inter rusaj, eŭropaj, usonanaj kaj ĉinaj kosmonaŭtoj. Eble, kiam aliaj nacioj havos siajn proprajn kosmonaŭtojn, oni inventos aliajn novajn vortojn. Do, por simpleco, esperante la vorto kosmonaŭto estas preferinda, tamen oni ofte trovas la aliajn vortojn.

[redakti] Devenoj de la vortoj

La vorto "kosmonaŭto" verŝajne devenas el la angla naughty (prononcita kiel naŭtinoti), kiu signifas "petola" aŭ kelkfoje "la peniso". La kialo povas esti la simileco inter raketo kaj peniso.

"Astronaŭto" devenas el la angla ass, kiu signifas "la postaĵo". Vere, tre fortajn sidvangojn oni devas havi por rajdi raketon. Alie oni forfalas.

[redakti] Aŭte

Baldaŭ ankaŭ la naŭ astronaŭtoj aperis per aŭtoj.

[redakti] Kosmonaŭtiko

AstronaŭtikoKosmonaŭtiko estas la scienco kaj agado pri kosmonaŭtoj, kaj pri organizo de civila kaj milita flugado de ili.

Parale ekzistas Aeronaŭtiko, kiu okupiĝas pri Aeraj flugantoj. Komuna nocio por "Aeronaŭtiko+Kosmonaŭtiko" estas FlugadikoFlug-inĝenierado.

[redakti] Famaj kosmonaŭtoj

Nu, bone, nia neŭtrala vidpunkto nin devigas agnoski, ke kelkaj fruaj kosmonaŭtoj estis sklavoj el malantaŭ la fera kurteno.

Tamen, preskaŭ ĉiuj de la famaj kosmonaŭtoj estas usonanoj. Inter la plej rimarkindaj...
7228 m
0521 o
  • Will kaj Penny Robinson, la unuaj infanoj en spaco. (Vidu sube.)
  • Garner Ted Armstrong, kiu elsendis el la luno pri la Sankta Biblio.
  • Poĉjo Porko, la unua porko en spaco, kaj la unua persono, kiu tie manĝis picon.
  • James T. Kirk, kiu faris kontakton kun la klingona imperio.
  • Donaldo Anaso, la unua angla-parolanta akvema birdo, kiu portis maristan ĉapon en spaco.
  • Miĉjo Muso, la unua muso en spaco.
  • Tinĉjo kaj siaj kunvojaĝuloj. (Fakte el Belgio.)
  • Bzz-bzz, la unua abelo en la spaco, kiu hazarde vojaĝis kun Donaldo Anaso (Pro tiu kialo la misio preskaŭ fiaskis).
  • Krr-krr, la unua blato, kiu hazarde vojaĝis kun Donaldo Anaso (la ŝipo estis ja malpura!).
  • Blb-ŝblb, la unua mikrobo (tuj sekvita de miljardo da aliaj mikrobo).

Noto: Daffy Anaso estas la dua anaso en spaco. Ĝis nun, li senlime malamas Donaldon pro tio...

"Estas eksterordinara sento de malkovri tiun malesploritan parton de la universo!"

blb-ŝblb la mikrobo, post sia vojaĝo

[redakti] Kosmonaŭtidoj

La filo aŭ filino de kosmonaŭto nomiĝas "kosmonaŭtido". Will kaj Penny Robinson estas kaj kosmonaŭtidoj kaj kosmonaŭtoj, ĉar ili iris en spacon kun la gepatroj, John kaj Maureen Robinson.[2]

Senpeza

[redakti] Dubo

Amikoj diskutas astronaŭtikon.

"Ĉu homoj jam vizitis Lunon?" demandas amiko.

"Jes ja. La unua homo iris tien en 1969, kaj poste estis pluraj surluniĝoj."

"Kaj ĉu iu jam vizitis Marson?" redemandas amiko.

"Ne, ankoraŭ ne," respondas ulo, "sed oni jam planas tion post eble dudek jaroj."

"Do, mi volas esti la unua homo kiu vizitos Sunon."

"Sed tio ne eblas!"

"Kial ne?"

"Ĉar estas multe tro varme!"

"Tio ne estas problemo," rezonas amiko. "Mi atendos la nokton!"

[redakti] Fantomaj kosmonaŭtoj

Vidu ĉefartikolon Fantomaj kosmonaŭtoj

Jurij Gagarin sendube ne estis la unua kosmonaŭto. Estis multaj "antaŭgagarinaj" flugoj kaj aliaj "neanoncitaj" flugoj en Sovetunio, kaŝitaj pro diversaj kialoj. Homoj penis kolekti ĉiujn informoj pri "sekretaj kosmonaŭtoj".

52be029361 o

[redakti] Stirado

Laŭ aŭtomata tradukilo de kosmoŝipa komputilo se vi povis stiri en rekta linio al la spaco, vi alvenus en malmulta pli de horo.

[redakti] Kosmonaŭto kiel verkisto

En tipa spaca vojaĝo, estas longaj intertempoj, kiam okazas nenio. Dum tiaj intertempoj, la vojaĝantoj ofte okupas sin verkante proverbojn en esperanto, aŭ kelkfoje en latino. Multaj ekzemploj troviĝas en la libro Agoj kaj diraĵoj de la kosmonaŭtoj de Konfuceo.

[redakti] Kosmonaŭto laŭ deveno

Tri astronaŭtoj enkosmiĝas por trimonata kosmovojaĝo. Unu el ili estas usonano, alia estas italo, kaj la lasta estas idisto.
EsperantoWookieeEwok
Malsamdevenaj kosmonaŭtoj parolu Esperante

Kiel por ĉiu kosmovojaĝo, ili rajtas kunporti po du kilogramojn da personaj aĵoj. Do, la usonano kunportas skatolojn da kokakolo. La italo kunportas spagetojn. Kaj la idisto kunportas cigaredojn.

La kosmomisio okazas normale, kaj ĉe la fino la astronaŭtoj surteriĝas.

La usonano forĵetas la malplenajn kokakolskatolojn en rubujon.

La italo klarigas detale ke la pastaĵoj estis preparitaj de lia panjo, sed ke ili estintus pli bonaj kun kianti-vino.

La idisto kuregas ĉien sur la kosmodromo, kun cigaredo en la buŝo, tremegante per ĉiuj membroj, demandante: On havus alumeto!?

[redakti] Rekordo

Sovetio havas la rekordon pri la daŭro de kosmoflugoj, ĉar de 1964 orbitas sovetia kosmonaŭto.

Inflavel2-3-

[redakti] Vidu ankaŭ

[redakti] Atentu!

Surbaze de la normoj ICAO kaj AGARD normoj la teksto estas terminologie korekta, en kongruo kun la normoj de la Aeronaŭtikaj Aŭtoritatoj derivitaj de ICAO, FAA kaj JAA, surbaze de la Ĉikaga pakto.

[redakti] Notoj

  1. Laŭ la libro Eĉ pli bona lingvo, la sekvantaj vortoj eĉ pli bonas
    "Spacisto, kosmisto, aŭ stelnavigisto;
    Ĉiela aŭtisto, spacŝippurigisto…"
  2. La aventuroj de la Robinsonoj, la unua spaca familio, estis la temo de la televida dokumentario Perditaj en Spaco.


La Vikipedio havas senhumuran artikolon pri kosmonaŭto.
Aliaj lingvoj