Naturo

El Neciklopedio

Iri al: navigado, serĉi
Ĥtulho.jpg

Verda Paco volas savi ulojn tiajn!

"Naturo, ruĝa en dento kaj ungego."
~ Alfred, Lordo Tennyson

"Pura konscienco estas plej granda potenco"

~ Zamenhof pri povoj de naturo

"Interesa informo"

~ leganto pri ĉi tiu artikolo

"Estu polura, neniam natura."

~ Arkaika Esperanta Proverbaro

"Ĉiuj parolas pri la polucio de la naturo, ni faras ĝin"

~ anonimulo

"La koncepto naturo gravas ankaŭ en Filozofio"

~ Nerdo pri Naturo

"Ĉiuj volas reen al la naturo – nur ne piede"

~ Mi pri naturamantoj

"Adiaŭ"

~ Hans-Georg Kaiser

"Por omna ago venas tempo di pago"

~ idisto

"Pri tiu idiota aserto jam komentis aliaj"

~ Sebastiano Hartviga

Naturo estas aĉa afero, oni malamu ĝin. Sen naturo, la mondo estus pli simpla, pli neŭtrala, pli pacema. Laŭ Darvino en naturo okazas la "batalo je la vivo", en naturo validas la leĝo de la ĝangalo, kaj nur la plifortaj survivas.

Oni konsideras la naturon kiel inventaro de dioj por siaj amuziĝo; nuntempe la kialoj de la naturo konsideriĝas tro grandaj por la homa kompreno.


O1234.jpg

[redakti] La natura mondo

Espv naturo.jpg

Utilaj vortoj por senutilaj aferoj.

Ni vivas en mondo plena de sufero, mondo klare difekta kaj absurda, tio estas la naturo.

Naturo estas trompaĵoj de Greenpeace (Verda Paco) kaj WWF, ĝi estas la kaduka, malsana, trista kreo de naturistoj kaj vegetaranoj. La naturo kiun ili adoras estas difekta kaj plena de sufero.

Ili kulpigas nin, la kapitalismon, la viandomanĝadon, la normalajn homojn de la malbono kaj la sufero, sed ĉi ĉio estas granda mensogo! Vera kulpo estas de la Naturo!

[redakti] "La pluvivado de la plej fortaj"

En naturo transvivas la vivuloj plej adaptiĝemaj al la kondiĉoj, sub kiuj ili vivas, dum malplej adaptiĝemaj formoj malaperas. Tiu ĉi nomiĝas "la pluvivado de la plej fortaj", memkompreneble, tre maljusta leĝo!

Sed ĉu vi pensas ke Naturo permesas al plej fortaj longan vivon? Tute ne! Memoru la dinosaŭrojn; ili estis la plej adaptitaj, ili venkis, sed la Naturo ŝanĝis la regulojn, modifis la ambienton kaj ili malaperis. Mamutoj ankaŭ pensis sin sekuraj, sed, tuj la glacioj malaperis... Ne, oni ne povas fidi Naturon!

[redakti] Tipaj okazaĵoj de Naturo

Tipaj okazaĵoj de naturo estas rakontitaj en multaj klasikaj historioj, kiel La Sep Kapridoj, La Tri Porkidoj, La Lupo kaj la Ŝafido, ktp. En tiuj rakontoj, oni vidas, kiel sovaĝe la bestoj disbuĉas unu la alian!

171.jpg

[redakti] Etimologio

La vorto naturo deriviĝis de la latinaĵo natura, kiu laŭlitere signifis "naskiĝo".

[redakti] Ŝarko kaj homo

Laŭ Bertholt Brecht, la ŝarko havas siajn dentojn, kaj la rabisto Macheath havas tranĉilon. Sed Macheath almenaŭ havas ĝentilecon sufiĉan por kaŝi sian akran ilon. Oni kaptu la ŝarkon, kaj faru el ĝi fiŝkolbason!

[redakti] Misteroj de l' naturo

Sinjoroj Melongeno kaj Rafano klerigas sin:

-- Vidu, amiko, mi ne komprenas, se ŝtormas, kial mi vidas unue la fulmon kaj aŭdas la tondradon nur poste? Lau vi kial tio okazas?
-- Stultulo! Ĉu vi ne scias, ke sur via kapo la oreloj estas pli malantaŭe ol la okuloj!

[redakti] Katastrofoj

Margarida.jpg

Neniu insttruas la vulkanon, kiel erupti?
Neniu instruas la cunamon, kiel inundi la bordan regionon?
Neniu instruas la uraganon, kiel blovegi?
Neniu instruas virinon, kiel akiri edzon?
Ne! La naturkatastrofoj okazas nur tiel de si mem!

[redakti] Filozofio

La koncepto naturo gravas ankaŭ en Filozofio.

[redakti] Supernaturo

Supernatura supernaturo estas kategorio de tiu, kiu ekzistas super la naturo kaj ne obeas leĝojn de la naturo. Supernaturaj objektoj kaj subjektoj povas rompi kaŭzecan principon. Spiritualistoj ofte konsideras supernaturon aŭ ĝian parton kiel primaran por la realeco kaj eĉ kiel influantan al realeco. En la religia kunteksto la supernaturo rilatas al tiaj konceptoj kiel supersenseca, senkorpeca, senspaca. La supernaturo povas esti komprenata kiel dimension de metafizika spaco aŭ postmorta mondo, kie animo povas loĝi sen materia korpo.

La koncepto de supernaturo aŭ ĝiaj elementoj povas esti uzata en literaturo aŭ kino. Nun multaj verkoj povas esti determinataj kiel verkoj en la ĝenro "supernaturo". Tio povas esti romano, filmo, televida serio, animeo, mangao ktp. Tiu ĝenro estas karakterizata per supernormalaj (magiaj) kapabloj de herooj aŭ per ĉeesto de supernaturaj objektoj, estaĵoj, fenomenoj ktp.

[redakti] Duonpatrino Naturo

4a4 o.jpg

Naturo estas tiel krudela, ke multaj kulturoj kreis personigon "Duonpatrino Natura" por paroli pri ĝi. Ŝi estas reprezentata kiel virino la plej malhumila kaj la plej fiera kiun oni povas imagi. La duonpatrino ekmontras malbonan humoron, ĉar la bonaj ecoj de la homaro faris ŝiajn kreitaĵojn ankoraŭ pli malamindaj. Sekve, duonpatrino Naturo sendas al homoj vulkanojn, uraganojn, pluvegojn kaj aliajn punojn. La malfeliĉa homaro pacience suferis kaj apenaŭ kuraĝis plendi al Dio, sia patro, pro timo de liaj riproĉoj.

Tamen homaro, malgraŭ siaj malmultaj feloj, malfortaj ungoj, malgrandaj dentoj, estas multe pli adaptita ol la bestoj kvankam tre riĉe armitaj.

Nur post la industrialigo, homaro povis kontraŭbatali duonpatrinon Naturon, defendante sin kontraŭ naturaj malsanoj, naturaj malsatoj, naturaj klimatoj, kaj nuntempe iĝas libera kaj feliĉa.

Sed naturamantoj, la diablo forportu ilin, deziras remeti homon en noktan naturan malhelecon. Ili volas ke homoj protektu la ursojn kaj leonojn, kiuj mortigis niajn prapatrojn, ke homoj amu insektojn kaj kuniklojn, kiuj detruis la plantejojn de niaj antaŭuloj, ke ni respektu arbojn, kie loĝas niaj malamikoj! Ho ve! Tio ne okazu!

[redakti] Vidu ankaŭ

Esperantisto.png

Naturisto

[redakti] Literaturo

  • Alegorioj el la naturo. De Gatty, el la angla trad. Gego. Dua eld. 1922, 66 p. "Ĝia ĉarmo ravas la animon de ĉiu meditanta homo. Stilo elegante fundamenta." (Jobo, L M. 1923, p. 119)
  • Naturscienco, Modkoncepto, Religio. De Reinke, trad. Ewald Brenken. 927, 164 p. Filozofia traktaĵo pri problemoj de la scienco kaj kredo. Mutaj citaĵoj porreligiaj.



La Vikipedio havas ian artikolon pri Naturo.
Aliaj lingvoj