Nifo

La plej ofta nifo -- fluganta subtaso.

"En eta nifo, ega signifo."

~ Konfuceo
"Agoj kaj Diraĵoj de la Kosmonaŭtoj."

"Maristo timas rifon, kosmisto timas nifon."

~ James T. Kirk
"Spaca turismo"

"Se NIFOj atakus la mondon, kion ni fariĝus?"

~ Tatoeba pri nifo

"Fin' al la nif'!"

~ Poĉjo Porko

"En bona ordo tra la pordo!"

~ Zamenhof enirante nifon

"Ĉu nifoj estas nimfoj?"

~ Mi pri nimfoj

"Sub certaj metereologiaj kondiĉoj, kaj laŭ la distancio, estas eble ke misilo kaj ĝia halo estu konfuzita kun nifo"

~ Nerdo pri nifo

"The Nigerian Food Journal (NIFOJ) is a journal of international standard established in 1983"

~ Anglalingvano pri Nifoj

"Sempre a quel ver c'ha faccia di menzogna
de' l'uom chiuder le labbra fin ch'el puote,
però che sanza colpa fa vergogna…

(Pri tia vero kun aspekto de mensogo,
ĉiam fermu la lipojn la homo laŭeble,
ĉar kvankam sen kulpo ĝi iĝas provoko…)"

~ Dante Alighieri.

NIFOJ (el la angla: Nigerian Food Journal) kaj ekstertera vivo estas la plej gravaj kaj misteraj faktoj kiujn alfrontas la homaro.

Nifo — ne identigita fluganta objekto (biologie Res volans ignota) — estas pseŭdoscienca nomo uzata de la aĉaj agnostikistoj por ĉiuj ĉielaj aĵoj kaj uloj, kiujn ili nur duone agnoskas — por anĝeloj, vulkaniaj kaj klingonaj kosmoŝipoj, Superhomo ktp.

La fluganta korko: malpeza veturilo taŭga por maldika spaca turisto

.

Antaŭ multmiljaroj, antaŭ la okuloj de la homoj, en la atmosfero de la Tero flugadis veturiloj de ekstertera socio. La homoj vidis tiujn veturilojn, pri kiuj ni povas legi en la skribaĵoj!

La kolektiva memoro de la homaro gardis veturilaspekton, kiun en konstruaĵoj ili gardis. Tiujn konstruaĵojn ni povas vidi ĉiutage, se vizitas la "domon de la Eternulo" por preĝi.

Ankaŭ tion ni ekscias, ke la anĝeloj (multfoje), la keruboj kaj serafoj ne estas aliaj, ol diverstipaj veturiloj. Tiaj veturiloj, kiuj apartenis al la veturilarsenalo de ekstertera socio.

Atentu!

Ne konfuzigu Nifon („neidentigita fluganta objekto“) al Nfio (nefluganta identigita objekto). Nfioj ĝenerale estas nur teleroj.

Falsaj nifoj

Ni ne devas kredi ĉion, kion ni vidas, legas aŭ oni rakontas al ni, vere ne! Multaj nifo-spektadoj havas sciencan klarigon, ofte ili estas tre simplaj. Ekzemple, eksperimentoj realigitaj de la NASA en julio 1990 celis kreadon de artefaritaj aŭroroj pere de ĵetado de litio kaj bario je centoj da kilometroj de alteco. En tiu momento ili estis konkuzitaj de stultuloj kun nifoj kaj eĉ tiop kaŭzis alarmon.

La diskotekoj kaj spektakloj kun lumprojekciiloj povas reflekti en la nuboj formojn kiuj tre aspektas al nifoj. En Santiago (Ĉilio) kutimas ĉi tiu fenomeno dum la vintraj tagoj, tiam, kiam la nuboj reflektas la lumojn de la Entel-t (loka telefonkompanio).

Sekve, oni devas kredi nur pri nifoj priskribitaj en specialigitaj revuoj, seriozaj e-paĝoj kaj libroj de Erich von Däniken.

Georgo Adamski

Georgo Adamski je 1951 faris fotografiaĵojn de iu vera nekonata fluganta objekto. Li ankaŭ renkontis kun personoj (homoj kiuj aspektis kiel ni teranoj) kiuj kondukis tiujn neidentifiatajn flugantajn objektojn.

Oficiala difino

La Norvega asocio pri NIFOj (UFO-Norge) difinas NIFOj jene: "NIFO estas raportita fenomeno en la ĉielo, en la aero aŭ sur la grundo, kiu post profundaj esploroj de kvalifikitaj homoj ankoraŭ estas rigardata ne-identigita." Sekve, la demandon "Ĉu ekzistas NIFO-j?" oni devas jesi, ĉar NIFO estas nur nomo de io ne-konata aŭ ne-klarigebla, kaj ne necese estas eksterteraj aviadiloj.

Klasigo

Laŭ H. Currie, s-ro Martin havas hobion serĉi ĉiutage nifojn sur la firmamento. Li klasigas nifojn laŭ la formoj. Gravaj klasoj estas:

• flugantaj subtasoj,
• flugantaj fromaĝaj teleroj,
• flugantaj tekruĉoj,
• flugantaj korkoj.

Deveno

Nifoj ofte vizitas Eŭropon. Pro tio oni supozas, ke ili baziĝas sur Titano.

Religiaj aspektoj

Oni demandis al konservema pastro: "Kial nifanoj flugas Teron?"

Li respondis: "Sendube, ĉar oni ne permesas, ke paganoj flugu Paradizon."

Laŭ raelismo

Laŭ la raela sekto, la unua ŝaŭma vino sur la tero estis alportita de nifo.

Nifoj kaj Puno

La novaĵkanalo Caracol Noticias de Kolombio informis la 13-an de julio 2010 pri ne identifigita fluganta objekto kiu estis videbla dum kvin tagoj super la urbo Kukuto, en Kolombio. La objekto filmita estas de la speco diamanto aŭ kvazaŭ du trianguloj kunigitaj bazo al bazo. Io jam vidita en aliaj lokoj, kiel antaŭ kelkaj semajnoj en Puno (Peruo).

Sporto

Nifoludo estas disciplino de vintra sporto simila al globludo (france boule aŭ itale boccia), sed ludata per glitigi pezajn nifoj sur glacio. En la disciplino gravas pleja precizeco. La ludanto povas kurbigi la iradon de la nifon per turni ĝin je la komenco de la ĵeto, kaj ĝian vojon povas influi la aliaj ludantoj kiuj frotas la glacion per balailoj antaŭ la iranta nifo. Necesas teama agado kaj strategio por elekti idealan vojon kaj lokigon, kaj la ludanto lerte provas atingi la celatan rezulton de la ĵeto.

Komparo

- Kio estas la diferenco inter inteligentaj viroj kaj nifoj?

- Ĉiuj parolas pri ili, sed neniu iam vere vidis ilin.

Oficialaj dosieroj

Meksiko, Ĉilio, Brazilo kaj Peruo igis publikaj ĝiajn dosierojn pri NIFOj. Ĵus Francio, Svedio kaj Danio, kaj Britio publikigis 7.200 dosierojn de NIFOj kompilitaj de D155, sekreta organo de la Ministraro pri Defendo.

Vatikane

La Vatikano publikigis gravan dokumenton, per kiu la Papo agnoskas la ekziston de Nifoj, la Encikliko Cura in UFO:

Cura in UFO (sigla Anglice ex "Unidentified Flying Object" ,vide supra) et coniunctionis extraterrestialis, publico esse coepit in CFA et in gentium vulgatus est ut vehiculum caecolae vel extraterrestialis post secundum bellum mundum. Spectatores res fierique in caelis tuentur quam operam causas ratione nullo videri potent, praecipue discos parmasque. Post secundo bello mundi, cura surrexit cum evolutione astronautico aeronauticoque. Colegium rectionis CFA inquerentes in 1950 nonaginta centesimae inquerentes adspectatorum concurrisse rebus astronomicis meteorolocisque vel auplanigeris vel avis vel gasis calidis certiorem fecit.

Vidu ankaŭ

• Nifo-detektilo
• Konfuceo
• Paŭlo la Apostolo
• Unua misio al Titano
• Esperantaj proverboj (antaŭe ne troveblaj)

Nifo parkita.

La senhumura Vikipedio havas artikolon pri la nifo.