Nuda naĝado

El Neciklopedio

Iri al: navigado, serĉi


Malnuda.jpg

Malpetolaj homoj naĝonte malnudaj

"Al la fiŝo ne instruu naĝarton"
~ Zamenhof

"Kial ne?"

~ Milokula Kato pri supra diraĵo

"Por ambaŭ seksoj, ĉiu aĝo,
Nudo taŭgas en la plaĝo."

~ Arĥaika Esperanta Proverbaro

"Nesciata la volo de Dio"

~ Pastro pri nuda naĝado

"Kaj ne juĝu, kaj vi ne estos juĝitaj ; kaj ne kondamnu, kaj vi ne estos kondamnitaj ; liberigu, kaj vi estos liberigitaj ; donu, kaj estos donite al vi ; bonan mezuron, premitan, kunskuitan, superfluantan, oni donos en vian sinon. Ĉar per kia mezuro vi mezuras, per tia oni remezuros al vi"

~ Jesuo pri nuda naĝado

"Kia babilemulo!"

~ Lucifero pri Jesuo

"Berk!!! ;-)"

~ iu pri ĉi tiu artikolo

"Por reakiri sian junecon, oni devas simple ripeti siajn malsaĝaĵojn"

~ Oscar Wilde pri nuda naĝado

"Tamen mi ankore ne komprendev, esque neciklopedio pova permiser to?"

~ puritana idisto pri nuda naĝado

♥ Nuda naĝado ♥ (laŭ ĉinesko Yulinling) estas populara sporto. Sed ĉu tio naturas? Aŭ ĉu estas peko puninda per pugbatado?

Flugfiŝoj.jpg

Sen la pezo de bikino, pli facilas salti el la akvo por kapti flugfiŝojn.

[redakti] ♥ Avantaĝoj ♥

  • La knabo povas svingi la penison por propulso.
  • La knabino povas levi aŭ mallevi la mamojn por ŝanĝi la flosecon.
  • Eblas pli facile kapti marbestojn, ĉar ili timas vestitajn homojn.
  • Akvo estas minimume 0 gradoj :) en vintra lago ĝi estas +1..+4 eĉ se aero estas -25 :) nemalbona rimedo por varmiĝi.

[redakti] ♥ Malavantaĝo ♥

Kion vi faros, se sovaĝa subakva sireno petole pinĉos pugon, penison, aŭ piĉon?

[redakti] ♥ Plia avantaĝo ♥

Mojose! Jen nia ŝanco por sirenkaptado. Ni preparos el ŝi picon.

[redakti] ♥ Fizikaj ebloj ♥

64144 n.jpg

Se vi trejnis vin en jogo-naĝo jam multfoje, post kvaronhora trejnado via pulmo ampleksiĝas kaj probable vi povas flosi en senonda akvo per certa spirado tiel. ke nur via vizaĝo estas super nivelo de la akvo.

Malpeziĝi, jen rimedo,
Fama tez' de Arĥimedo:
Por ke povu pezon perdi,
Vin en akvon devas mergi.
Tiom do vi malpeziĝos,
Kiom akvo elpremiĝos.
Super akv' enspiru nazo!
Trejnu vin en jogo-naĝo!
Post la trejnoj faru teston!
Kontrolu la brustokreskon!
Flosigos vin -Jen miraklo!
-certa spirad'.Nur en akvo!

(Mastro Jano)

[redakti] ♥ Religia signifo ♥

Malstreĉitaplaĝo.jpg

Ĉu piajn familiojn ĝenas nudeco?

Ekde antikveco, la fiŝo estas grava simbolo por nudismaj kristanoj. Estas almenaŭ du kialoj...

Laŭ iuj, la simbolo de la nuda fiŝo ankaŭ rivelas historian ligon inter kristanismo kaj la religio de Afrodita.

[redakti] ♥ Lageto ♥

Iu oldulo, posedanto de grandega bieno, en iu tago promenis tra la posedaĵo. Li iris al la fruktaj arboj por preni kelkajn pomojn, kaj tiucele tenis en la mano sitelon. Veninte al eta lago, kiu same estis ene de lia bieno, li konstatis, ke en la lageto gaje petolis kelkaj ĉarmegaj junulinoj. Vidinte la oldulon, ili kriis kaj fornaĝis al la fora bordo de la lago. Unu el la junulinoj diris:

-Ni ne eliros el la lago dum vi estas ĉi tie!

La oldulo sombriĝis kaj diris:

- Mi venis ĉi tien ne por observi kiel vi banas vin ĉi tie nudaj. Nek por forpeli vin el la lago sen viaj vestoj.

Li levis la sitelon kaj plu diris:

- Mi venis ĉi tien nur por doni manĝon al mia krokodilo.

[redakti] Danĝero

TORY.jpg

La simpla fakto estas ke la plejparto de infanoj el Afriko, Azio, kaj Latinid-ameriko kiuj bezonas hejmojn ne estas adoptitaj ĉar neniu volas adopti ilin. Ĉiuokaze, adopto simple ne povas solvi la problemon. Estas simple afero de matematiko: En 1960, nur vivas 3 miliardoj da homoj sur tero. Nun vivas 6 miliardoj. La plejparto de la nova 3 miliardo estas povruloj en Afriko, Azio, kaj Latinid-ameriko. Se la uzo de kontraukoncipiloj ne fariĝas ofta en nudnaĝejoj, baldaŭ vivos 12 miliardoj. da homoj, denove, plejparte povruloj.

[redakti] ♥ Lernado ♥

Ulo eklaboras en somerferiejo por gejunuloj. "Sed estas unu afero kiun mi ne komprenas," li diras al la feriejestro. "Kial vi metis ĉiujn knabojn sur unu insulo, kaj la knabinojn sur alia?" "Tre simple," respondas la estro. "Tio garantias ke antaŭ la fino de la feriado, ĉiuj scipovos naĝi."

[redakti] ♥ Altkultura signifo ♥

Laŭ Vikipedio Gabriel Pascal renkontis Bernard Shaw en 1928, dum nuda naĝado.

Laŭ siaj verkoj, la hungara poeto Julia Bagio ankaŭ ŝatis nudumi:

Kun Sonja kaj Albert,
sub steloj kaj luno,
kviete mi naĝis,
sen stulta kostumo.

La supra poemo aludas verŝajne al Sonja Elen Kisa, la kanada okulisto, kaj Albert Einstein, la freneza sciencisto.

Juliette Sade Dutch.jpg

Kion fari nude, kiam pluvas?

[redakti] ♥ Alie ♥

En mar-haveno falis akvon iu homo.

- Helpu! — kriis li angle.

- Savu min... — ripetas li france.

Poste audighas la samo en la rusa, germana kaj en aliaj lingvoj. Kiam la povrulo estis savita, unu viro diris al li:

- Anstataŭ lernaĉi lingvojn, trejnu vin naĝi.

[redakti] ♥ Naĝeja etiketo ♥

Eta Joĉjo estis alfrontata de la savgardisto ĉe la publika naĝejo: "Vi ne rajtas urini en la naĝejo!" la savgardisto riproĉis la knabeton."Mi raportos vin!"

"Sed ĉiuj pisas en la akvo," protestis Joĉjo.

"Prave," respondis la savgardisto, "Sed ne de la plonĝo-tabulo!"

[redakti] ♥ Danĝero ♥

Dronantan en rivero nudan belulinon eltiris el la akvo kaj savis hazarde preterpasanta viro.

- Vi savis mian vivon! Mi plenumos tri viajn dezirojn! - diris la belulino, kiam ŝi rekonsciiĝis.

- Verdire mi havas nur unu deziron, fraŭlino, sed aliflanke tri fojojn!

[redakti] ♥ Nuda Naĝado —laŭ ĉinesko Yulinling ♥

Kkabd.jpg

Nenuda nenaĝantino

Ĉinesko estas tre antikva ĝenro de esperanta poezio pri akvaj sportoj.

Jen ekzemple, verkita de Lily, la pli juna fratino de Konfuceo.

En lageto
por nuda naĝ’
laŭ la peto
de mia amiko
mi senvestis
min...
Mi naĝis kvaz’ naveto
facile
en rond’ ripeto.
Mi sentis komforton
kun mamoj
en skueto…

Se vi volas scii, kio okazis al ŝi poste, vidu Nuda Naĝado (Yulinling)

[redakti] ♥ Vidu ankaŭ ♥

7949.jpg

[redakti] ♥ Ne vidu ankaŭ ♥


La Vikipedio havas senhumuran artikolon pri nudismo.
Content Navigation
Aliaj lingvoj