Nudismo

El Neciklopedio

Iri al: navigado, serĉi
4295138 n
Nudistoj en Poluso

"Vero, belo, bono, kiam mankas la kalsono."

~ Sapfo

"Vu portas ankore di lanjeti."

~ idisto pri Sapfo

"El tro da vesto, ekestas pesto."

~ William Blake

"Duonnudeco estas plia tabuo"

~ Eva pri Nudismo

"Vi havas nenion por perdi, krom viajn kolĉenojn, jupetojn, kaj rajdistajn botojn."

~ Karlo Markso

"Geamantoj sin pikas"

~ Zamenhof pri nudisma kampo

"Kion la infanoj vidas, tion ili volas havi"

~ Lutero pri nudismo
Flag
Nudisma Flago

Nudismo estas la konvinko, ke ĉiuj la problemoj de la mondo estos solvitaj, kiam ĉiuj homoj ĉesos porti vestojn. Pro tio, nudismo estas en unu kategorio kun humanismo en Vikipedio.

Nudistinojatakante
Batalemaj nudistinoj atakante malnudiston.

[redakti] Celo

Laŭ la nudisma movado, ia ajn kostumo, inkluzive la bikino, estu ĉie strikte malpermesita. La esperatan tutmondan nudiĝon oni nomas la "fina venko".

Ogro nudismo

[redakti] Nekaŝemo

En nudistejo, oni prezentas al Vilhelmo belan junulinon. Li diras al ŝi: Mi tre ĝojas renkonti vin.Rigardante malsupren, ŝi respondas: Jes, mi vidas!

[redakti] Politika Sinteno

La nudismo estas la nudo de la ideoj kaj agoj esprimantaj la solidarecon de la globloĝantoj kaj celantaj starigi superraciajn instituciojn kaj leĝojn kun federacia stukturo, kiuj estu komunaj al ili, en la respekto de la diverseco de la kulturoj kaj popoloj.

La nudismo estas ankaŭ scienca aliro al sociaj interindividuaj fenomenoj konsideritaj de nuda vidpunkto.

La nudismo provas proponi novan politikan organizadon de la homaro implicantan la transdonon de iuj partoj de la naciŝtata suvereneco al Nuda Federacia Aŭtoritato kapabla solvi per decidoj de la plimulto la problemojn, kiuj koncernas la sorton de la homa speco, tiaj, kiaj: malsato, milito, poluado, troloĝateco, kaj energio.

La postuloj de la nudismo ne povas kontentiĝi per la sensaciaj devontigoj de la interrasiaj fikadoj aŭ interseksumadoj.

[redakti] Kromnomoj

6746312 n

Nudistoj kutime havas haŭton ruĝitan pro la suno. Sekve oni nomas ilin "ruĝuloj".

Alia ofta kromnomo de nudismo estas "naismo".

[redakti] Problemoj solvotaj per nudeco

Ekzemple

  • Sen gantoj, ŝtelistoj ne povos ŝteli.
  • Sen uniformoj, militoj ne okazos.
  • Malsato malaperos, ĉar bienoj produktos avenon kaj artiŝokojn, anstataŭ lanon kaj kotonon.

[redakti] Historio kaj kulturo

Nudarajdo
Du nudaj.
La nudisma movado estas tre malnova. Inter fruaj anoj estis Afrodita de l' Pugo, Sapfo, kaj la Tri Nudaj Amikinoj.

En pasintaj jarcentoj, la movado reklamis sin ĉefe per pentraĵoj kaj statuoj. Hodiaŭ pli oftas fotoj.

En la 19a jarcento okazis kompromiso historia inter nudistoj kaj malnudistoj: la Tagmanĝo sur la herbo de 1863.

En la meza 20a jarcento, nudismo estis kruele persekutataj de Hitlero. Sub la tirano, ĉiu nudisto en Eŭropo devis sunumi sur speciala flava bantuko, por ke oni tuj sciu, kiu estas nudisto, kiu ne. Hitlero revis pri estonto, kiam ĉiu portu kostumojn ĉielarke koloritajn.

La Malvarma Milito (aŭ Nuklea Vintro) estis malfacila epoko por nudistoj. Malsaniĝis multaj, kaj mortis kelkaj, pro pulminflamo kaŭze de la ega malvarmo. Travivis tamen la movado.

[redakti] Nudismaj kaj naturismaj sektoj

Inter la anoj de la nudisma movado estas moderuloj, kiuj kelkfoje portas la kalsoneton ĉe formalaj okazoj; kaj ekstremuloj, laŭ kiuj eĉ bestoj kaj fiŝoj estu nudaj.

Iaj nudistoj pasigas multe da tempo en arbaroj. Tie ili dancas, grimpas la arbojn, fotas birdojn, kaj sin fleksi por kolekti sciencajn specimenojn. Tiajn nudistojn oni nomas "naturistoj".

[redakti] Nudismo kaj Zamenhof

Esperanto flag shirt
Malnudismo

En 1914, Zamenhof estis invitita aliĝi al la nova Tutnuda Esperantista Har-Mageda Organizo (TEHO), sed li diris ne. Tamen, kaŝita en la esperanta nombra sistemo -- "unu, du, tri" -- oni povas aŭdi la mesaĝon "nudu", alivorte "estu nuda". Laŭ Z. Z. Majmono, verkisto de La Kaŝita Vino de Zamenhof, tio pruvas, ke Zamen estis nudisto enkore.

[redakti] Akcidenta nudismo

Iam Hoĝao tro longe dormis kaj tial devis tre rapidi por ankoraŭ ĝustatempe atingi la renkontejon. Li saltis el la lito kaj kuris tute nuda tra la vilaĝo. Kelkaj amikoj demandis lin, kial li faras tion. Li respondis: "Mi devis min vesti tiel rapide, ke mi forgesis vesti min."

[redakti] Nudismaj aktivecoj



Orepoko
Nuda festo en la 16a jarcento, ora epoko por naturismo.

[redakti] Vidu ankaŭ

[redakti] Malvidu ankaŭ

La Vikipedio havas senhumuran artikolon pri nudismo.
Aliaj lingvoj