Sankta Petro

El Neciklopedio

Iri al: navigado, serĉi

"Pli bonas fiŝo el haveno, ol revo pri sireno."

~ Sankta Petro
1234

"Se mi scius, kion mi ne scias, ĉiuj saĝuloj min envius"

~ Zamenhof pri religio

"Char vi estas interlingvisto, vi povus montri al mi ian retpaĝaron kiu (lau vi) estas la plej utila por lerni Interlingua-n?"

~ perfidanta esperantisto

"Totale absurdaj teorioj"

~ Anti Künstlich
Sankta Petro estas la patrono de nudaj fiŝkaptistoj, kaj verŝajne la plej konata kristana naturisto.
Nudafiŝistino

Pia virino sekvante la ekzemplon de la sanktulo.

[redakti] Notindaj atingoj

Laŭ la Sankta Biblio li kutime fiŝkaptis senveste. Unufoje, li ekvidis sian amikon Jesuo sur la marbordo. Petro tiam plonĝis en la akvon, kaj inventis nudan naĝadon (Johano 21:7).

Post jaroj, li havis sonĝon, dum kiu li vidis multajn specojn de bestoj. Li aŭdis voĉon, kiu diris: "Leviĝu, Petro; buĉu kaj manĝu." (Agoj 10:12-13) Li vekiĝis, kaj inventis nudan ĉasadon.

[redakti] Malpli notindaj atingoj

Laŭ kritikistoj de Petro, li ankaŭ inventis katolikismon.

[redakti] Ĉu li havis tentaklojn?

Laŭ kelkaj historiistoj (ekz Abdul Alhazred kaj Charles Dexter Ward), Petro estis duon-polpo, kaj ofte manĝis naĝistojn. Li plonĝis en la akvon por ke Jesuo ne vidu la tentaklojn. Jesuo tamen lernis la sekreton, kaj pro tio nomis Petron la "kaptisto de homoj".

[redakti] Petro kaj Jesuo

Kaj forkurante el Romo, li trafis Jesuon survoje.

Petro demandis : "Quo vadis, Domine ?" (Kien vi, Sinjoro ?).

Jesuo respondis : "Mi iras al Romo por esti denove krucumita anstatavx vi."

Petro pentis, reiris Romon kaj mortis krucumita kun siaj piedo supre kaj sia kapo malsupre.

Konsiderante, ke anĝeloj helpintis Petron eskapi el la malliberejo, oni devas supozi, ke Jesuo volis provi Petron.

[redakti] Sankta Petro kaj la Paradiza Pordo

Lastatempe instruisto, kolektanto de rubo kaj advokato leviĝis al la Perla Pordego, kie Sankta Petro informis ilin ke ili devas respondi nur unu demandon por eniri la Ĉielon.

La instruiston li demandis tiel: "Diru al mi, kiel nomiĝis la ŝipo kiu frakasis en ajsbergon? Oni cetere filmis la historion". La instruisto rapide respondis, "Titaniko ja!". Sankta Petro permesis lin eniri.

Sankta Petro turnis sin al la rub-kolektanto, kaj, pensante ke liaj odoroj ne taŭgas en la Ĉielo, decidis iomete malfaciligi la demandon. "Diru al mi, kiom da personoj mortis en la katastrofo?" Feliĉe la rubkolektanto ankaŭ spektis la filmon, do li respondis: "1228."

"Certege! Vi povas ankaŭ eniri."

Fine, Sankta Petro turnis sin al la advokato kaj demandis, "Nomu ilin."

[redakti] Ĉu vendis tabakon?

Laŭ alia historiistoj (ekz Dan Brown), la esprimo "kaptisto de homoj" temas pri la fakto, ke Petro vendis ne nur fiŝojn, sed ankaŭ tabakon. Certas almenaŭ tio, ke Petro verkis poemojn pri fumado, ekz.

Mi kaptas la fiŝojn
per hoko kaj reto.
Nur homoj hokiĝas
per la cigaredo.

[redakti] Sankta Petro kaj Lenino

Lakto

Ĉu ŝi eniros la paradizon?

Lenino iras al paradizo. Li alvenis al la ĉiela pordo kie Sankta Petro kutime prenas la animojn per la haroj. Kiel ni scias Lenin estis senhara. Sankta Petro grumblas al la animoj kiuj atendas laŭvice: Kiom foje mi jam klarigis al vi ke vi devas prezentiĝi per la kapo kaj ne per la postaĵo? :o)

[redakti] Aŭtomobile

Tri viroj vojaĝas per aŭtomobilo, ili karambolas, ili ĉiuj tri mortas. En la ĉielo Sankta Petro akceptas ilin demandante:

-- Antaŭ ol ni decidos pri via sorto, diru, kion vi deziras, kion diru la homoj pri vi ĉe la entombigo?
-- Mi deziras, ke la homoj diru: li estis bona edzo, bona patro, bona kuracisto -- tiel respondas la unua viro.
-- Mi volas, ke ili diru: li estis bona edzo, bona patro, bona instruisto -- tiel la dua.

Respondas la tria:

-- Kaj al mi tre plaĉus, se ili dirus: "Vidu, li moviĝis!"

[redakti] Alie

Sinjorino revekiĝinte el anestezo, sin turnas al blanke vestita sinjoro, kiu ridetas al ŝi:

- Doktoro, kiel iris la operacio?
- Verdire mi ne estas doktoro, mi estas Sankta Petro.




La tielnomataj intelektuloj ĉe Vikipedio havas tielnomatan artikolon pri Sankta Petro.
Aliaj lingvoj