Stel-milito

El Neciklopedio

Iri al: navigado, serĉi

"Milito okazas kiam lingvo fiaskas."

~ Margaret Atwood pri Milito
7776 o

"Dum troviĝas fanatikaj idiotoj, okazas la plej teruraj militoj"

~ Morteza Mirbaghian

"Balaaĵon el korto eksteren ne elportu"

~ Zamenhof

"Delikate agu ni"

~ Meduzo pri milito

"Me hev ya otre opina."

~ Lingvadeplanetano

"Eble io por vi ?"

~ Istvan Ertl
ESarm

La Nevenkebla Armeo: Blonda Bataliono

Stel-militoj estis militoj dum kelkaj jarcentoj inter tri ĉefaj religioj: Volapukismo, Esperantismo kaj Idismo. En la mezepoko la Zamenhof-tombo troviĝis en Volapukio, kie loĝis volapukistoj de pli ol mil jaroj. Post la fondiĝo de Idismo far Belfrunto Iskarioto surbaze de la fia sankta libro "Detaloza Gramatiko di Ido" la idistoj ekkonkeris la najbarajn landojn por idistigi la mondon. Volapukio restis sub la regado de la idistoj kiuj malpermesis ĉiujn rajtojn de la volapukistoj kaj la serĉadon de la tombo de Zamenhof por eltombigi lin kaj preni la tre serĉatan verdan Stelon. Pro tio la reĝo Hektoro la Granda invadis la landon cele al la prezervado de la zamenhofa sankta loko. Tio estis la komenco de kruela kaj murdiga Stel-milito kiu finiĝis per detruo de la Orienta Esperantia Imperio.
3106

Honormedaloj de Stel-Milito


Por garantii la finan venkon al Esperanto-movado, Literatura Mondo mendis al Kalocsay la atombombon en 1947.
Korea1

La Nevenkebla Armeo: Azia Bataliono

Dum Stel-militoj, ankaŭ nomataj mondmilitoj, Germanio invadis plejparton de la mondo pro turismado divastigante la Volapukon, sian oficialan lingvon.

[redakti] Deveno de la nomo Stel-milito

Laŭ la zamenhofa tradicio la profeto de Esperantismo uzis verdan stelon por lia sukceso disvastigi kaj la religion kaj la lingvon Esperanto, kaj tiu estis unu el la ĉefaj celoj de la milito. Idistoj intencis serĉi kaj rabi tiun stelon, kiun iam ili mem posedis. Estas eĉ Belfrunto Iskaroto mem kiu dizajnis ĝin kaj donacis ĝin al Zamenhof.

[redakti] Geopolitiko

5beae o

Antaŭ la Stel-milito Britio kaj Francio estis ankoraŭ mondaj potencoj. Poste ili estis (kaj restis) nur varmaj furzoj. Pretendemaj varmaj furzoj, kompreneble, pro nacia orgojlo, sed varmaj furzoj tamen.

[redakti] Anglalingva influo

"CP30" estas la nomo de roboto en la usonaj sciencfikciaj filmoj "Star Wars" ("Stelmilitoj") kiuj laŭdire scipovas milojn da lingvoj, sed ŝajne parolas ĉion kun forta brita parolmaniero; "RP" ("Received Pronunciation") estas lingvistika termino, la nomo de la "gentlemana" aŭ "norma" brita prononcmaniero en la angla lingvo.

[redakti] Karitatemo

En Volapukio ulo serĉis la pastron kaj konfesis:

- Pardonu min, pastro, mi pekis! Dum la Stel-Milito, mi kaŝis idan rifuĝinton en mian subtegmenton.

- Bone - diris la pastro -, tio ne estas peko. Tute male.

- Sed - konfesis la viro - la kazo estas tio, ke mi postulis ke li pagu luon.

- Tio ne estis iu bela afero - diris la pastro -, sed, krom li esti idisto, vi riskiĝis kaj ankoraŭ devis nutri lin!

- Ho, dankon, pastro! Sed mi havas demandon...

- Kiu estas?

- Ĉu vi opinias, ke mi devas rakonti al li, ke la milito jam finiĝis?

[redakti] Usono

Usono faris sian eblon minimumigi la suferojn de ĉiuj eŭropanoj ankaŭ post la milito.

La Vikipedio havas malridigan artikolon pri Stelaj Militoj.
Content Navigation