Televido
El Neciklopedio
Tiu ĉi artikolo enhavas idajn mensogojn, legi ĝin povas esti danĝera, redakti ĝin preskaŭ certe estas herezo. Vi povas esti forigota de via Esperanto-asocio pro tio! For fiaj reformemuloj!
"La religio estas la opio de la popoloj. La televido estas la kokaino."
"Big Brother is watching you"
~ Orvelo
"Ĉia dono estas bono"
~ Zamenhof pri televidilo, kiun oni donis al li
"televido simple estas nova radiko"
~ Johan Derks pri televido
"Provencaj kantaj'oj estas io pri kiuj oni neniam au'das en la
televido"
~ Renato Corsetti pri provenca kulturo
"Mi diras televido, kaj ne televizio"
~ Antonio Vergara pri televido
" En iu loko de la parpadeo de kanalo de televido malbone agordita trovas en la fundo la radiado elspezita de la Big Bang"
~ aŭtomata tradukilo pri televido
Televido (bonalingve stultaĵskatolo) estas arto, arto vidi per televidilo (aparato per kiu oni faras frenezulojn) ion kio estas tre ŝatata de multaj viroj: pornografio, pornaĵoj kaj pornaj programoj. Virinoj prefere spektos kuirprogramojn: Kiel kuiri kun tomat-saŭco kaj brasiko la kapon de la edzo kiam malfrue nokte revenas hejmen? Kiel mueli vitron por la suko aŭ vespermanĝo de la malamata edzo?
Ankaŭ infanoj tre ŝatas la porinfanajn programojn: saĝa rato kontraŭ stulta kato "Anĉjo kaj Geĉjo". El tiuj ĉi programoj li lernos kiamaniere bati kaj mensogi aliulojn.
Enhavo |
[redakti] Historio
La disvolviĝo de la televido okazis laŭ du ideoj: la televido kaj la televido. El tio venas ĉiuj televidoj, tamen ili disvolviĝis el la televido.
[redakti] Tra la jaroj: mallonga resumo
- 1860: Unua transsendo de bildoj per telegrafo. La maŝinon, nomita "pantélégraphe" aŭ "pantelegrafo", inventis abato Giovanni Caselli, sed ĝi ne estas vere televido, plue pra-telekopiilo. Ĝi uzis metodon por skanado de la bildo, kaj du pendoloj por la sinkronigo de la sendilo kaj la ricevilo.
- 1884: Germano Paul Gottlieb Nipkow inventis la Diskon. Vidu malsupren.
- 1897: Germano Ferdinand Braun inventis la tubon, kiu montras bildojn per la balaado de radio de elektronoj sur surfacon.
- 1905: Usonano Lee De Forest inventis la vakstuban triodon, kiun li nomis Aŭdion-on, kaj kiu iĝis baza eraro de iu cirkvito.
- 1923: Ruso Vladimir Zvorikin (ruse: Зворыкин Владимир Кузьмич Зворыкин Владимир Кузьмич) inventis "ikonoskopon". Tiu estis praulo de la kamerao, ĝis la nun preskaŭ uzo de CCD teknologio.
- 1926: Skoto John Logie Baird faris la pruvadon de televido, en Londona vendejo, uzante diskon. Lia aparato havis rezolucion de 30 lineoj, kaj mezuris 3,8 x 5,0 cm.
- 1927: Usonano Philo Taylor Farnsworth unue montris televidsistemon.
- 1927: Elsendo okazis de Vaŝingtono al Nov-Jorko, montrante bildon de Herbert C. Hoover, tiame Sekretario pri Komerco.
- 1928: John Logie Baird faris la provojn de televido.
- 1929: La dissendoj de la BBC (Britio).
- 1930: Usonano Charles Jenkins elsendis la unuan televidan reklamon.
[redakti] Televidĵurnalo
“Klasika Mok-trompo de la Jarcento” multaj nomas la raporto televidigita de BBC la 1-an de aprilo en 1957. La rakonto estis pri “senprecedenta” rikolto de makaronoj en Svislando. Fone de sceneroj, montrantaj laboron de kamparanoj kolektantaj sur kampoj kuiritajn makaronojn, la anoncisto informis rigardantojn pri la ĉefa sukceso en tiu sfero de agrikulturo: egala longeco de makaroneroj, estanta rezulto de eksperimentoj far multaj generacioj de selektistoj. La redakcio ricevis multegon da leteroj. Iuj estis mirigitaj ke la makaronoj kreskas vertikale, sed ne horizontale. Aliaj petis sendi plantidaron de la sukcesaj svisaj selektistoj. Nur kelkaj esprimis ioman konfuziĝon ĉar ili ĝis tiam pensis ke makaronojn oni faras de faruno…
[redakti] Realecserioj
Mi spektis tielnomatan "realec"-televidelsendon hieraŭ vespere, kaj mi estis mirigita. Ĝi estis vere pensiga. Ĝi igis min pensi, kial diable mi malŝparas mian tempon rigardante tian stultaĵon!?
[redakti] Celo
Sed kial vi spektas ĉiujn ĉi idiotajn "realec"-elsendojn?
Por eskapi la realaĵon.
[redakti] Ĉefa rolo
Ulo volas esti televidaktoro.
"Nu," demandas amiko, "kiel fartas via aktora kariero?"
"Tre bone," respondas ulo. "Mi sukcesis havi rolon en televida 'realec-serio'. Temas pri aro da homoj kiuj provas travivi en sovaĝa arbaro. Kaj fakte, mi havas tre centran rolon."
"Ĉu vi estas la gvidanto?"
"Ne, ne. Mi ludas arbon."
[redakti] Utiloj
Televido estas tre utila, PIVistoj povas zapi kaj bonalingvistoj povas kanalumi ĝin.
[redakti] Geedza vivo
Kiel feliĉigi viron en la lito?
- - Metu televidilon en la dormoĉambron.
[redakti] Edukado
-- Atentu bone, ĉar baldaŭ ni lernos novajn vortojn! -- diras Mauriĉjo al sia frateto.
-- Kial?
-- Tial, ĉar paĉjo volas spekti futbalmatĉon en la televido, sed la dissendo estas malbona.
[redakti] Taŭga filmo
Patrino: "Ne, je tiu filmo, al junularo malpermesita, mi vin ne lasos iri. Preferu atendi, kiam ghin oni elsendos per televido."
[redakti] Klerigado
La televido evidente estas la medio kiu plej propagandis la kretenaĵojn disvastigatajn de antaŭ jaroj fare de longa vico da profesiuloj de la kaŝeco: ĵurnalistoj, politikistoj kaj propagandistoj.
[redakti] Lingva diskuto
Televido ankaŭ estas utila al verda sporto, t.e., la Lingvadiskutado! Kelkaj asertas, ke la vorto 'televido' devas aparteni al Esperanto, ĉar ĝi estas kunmetaĵo de tele- kaj vido. Aliaj diras ke tio estus retrokonstruado au popoletimologio, kiu estas sufiĉe ofta. Tiu utila diskutado varmigas la koron de multaj samideanoj.
[redakti] Funkciado
- Panjo, kiel homoj trafas en televidilon? - demandas kvarjarulino.
Patrino longe kaj detale rakontas pri elektra-radia tubo, onda signalo, anteno.. La knabineto atente aŭskultas.
- Ĉu vi komprenis?
La filino kapjesas kaj pludemandas: - Sed kiel ili de tie eliras?
[redakti] Servoj
Bruas televidilo.
Jenas frapo en la pordon:
- Ni proponas novan servon. Ni malŝaltas televidilojn.
- Dankon, mi tion ne bezonas.
- Kun muzelbato estos pli multekoste, pripensu!
[redakti] Bonalingvismo
Oni atentigas, ke ekzistas la vorto televizio 221-foje en nia glorplena Vikipedio. Oni petas korekti la kreintojn al televido, la ekzistanta kaj ĝusta esperanta vorto!!!!
Bedaŭrinde la vortaĉo televizio esta Piva.
[redakti] Influo al sonĝoj
Antaŭ kelkaj jarcentoj en la sonĝesplorado amasiĝis raportoj pri nigra-blankaj sonĝoj. Kelkaj sciencistoj klarigas tion al si pere de la disvastigo de la nigra-blankaj tv-elsendoj. Analoge al la komenciĝanta disvastigo de la kolortelevdilo ankaŭ la sonĝoj ree fariĝis buntaj.
[redakti] Tipoj
- Ĉu vi vendas kolorajn televidilojn?
_ Jes ja!
_ Do, donu al mi la verdan!
[redakti] Nerdaĵo
La konekto sen kabloj spertis grandan paŝon en 1962 kun la ĵeto de Telstar, la unua satelito, kiu eblis elsendi signalojn de telefono kaj de televido.
[redakti] Riparado
Riparisto de televidilo alvenas apartamenton post alvoko. Virino malfermas la pordon, ŝi estas vestita per negliĝa robo, ŝi estas belega. La ulo malfacile demetas sian rigardon de ŝi, de ŝiaj gamboj, kiuj aperas en la aperturo de la robo, de ŝiaj maletaj mamoj, kiujn ŝi ne zorgis kaŝi. La vizito iĝas pli longa ol oni antaŭplanis ...
Fine la ulo finas la riparon, kaj li donas la kvitancon al la virino. Ŝi mallevas sin por plenigi la ĉekon, kaj li rigardas tion, kio antau ne estis rigardita de la mamoj! Tiam ŝi diras:
- Ej, mi ne scias kiel peti tion, kia malordinara. Mi hontas, kaj deziras, ke tio estu nur afero nia.
La riparisto ekscitita respondas, ke tio ne estas problemo, ke li parolos pri tio al neniu, kaj la virino pluas:
- Mia edzo estas bona edzo sed (spirado) li havas fizikan malkapablon... Nu, vi estas forta, juna... Kaj mi ne sukcesas solvi tiun problemon sole.
- Mi scias - diras la riparisto tute ruĝa.
- Do kiam mi vidis vin enirantan, mi pensis...
Kaj la ulo:
- Mi ankaŭ tion pensis...
Kaj la virino surpriziĝis:
- Ho! Ĉu? Ĉu vi jam sciis, ke mi petos vin ŝovi fridujon?
[redakti] Televidludo
En la televido okazas la konata ludo je duobligo aŭ ĉionperdo. La demandato gajnas por ĉiu bona respondo certan monsumon. Post ĉiu demando li rajtas retiriĝi de la ludo. Se li ludas plu, li aŭ gajnas la duoblon respondante ĝuste, aŭ perdas ĉion respondante malĝuste.
Pastro, kiu volis gajni monon, por ripari sian preĝejon, anoncis sin al la ludo, kaj ĝis nun sukcese respondis ĉiujn demandojn. La ludestro diras al li:
— Pastra moŝto, ĝis nun vi gajnis 20 mil stelojn. Ĉu vi volas ludi plu?
La pastro longe hezitas kaj fine decidiĝas:
— Jes.
— Jen la sekva demando: «Kion diris sankta Jozefo, kiam eksciis, ke Maria estas graveda?»
La pastro cerbumas, ŝvitas, angoras. Li koleras kontraŭ si mem, ke li daŭrigis la ludon, kaj fine murmuras:
— Kial mi idioto antaŭe ne retiriĝis?
— Jes, pastra moŝto, jes! La respondo estas ĝusta. Vi gajnis 40 mil stelojn!
[redakti] Idista vidpunkto
Yen, kar amiki, nun vu saveskas ke la televiziono esas instrumento di l' demono kay vu agus plu sajhe per renunciar vidiar televizionalajn spektaklojn por plu pie kay plu idistane vidiar.
