Vodka Maro
El Neciklopedio
"Hodiaŭ Ukrainio, morgaŭ Eŭropo, post morgaŭ tuta mondo, buahahaa!"
~ anonima ebria esperantisto el Iĵevsko pri trinkantoj en Vodka Maro
"Vodko estas alkoholo"
~ Puritano pri Vodka Maro
"Ĉu vodkisto estas ruso? rusoj ja ne drinkas vodkon!"
~ Blondulino pri vodko
Vodka Maro situas en orienta Eŭropo kaj estas norda najbaro de la Viskia Maro, pere de kiu ĝi estas ligita kun la monda oceano. La nomo devenas de la rusia urbo Vodko, kiu situas en la loko, kie la rivero Alkoholo enfluas la maron.
La ĉebordaj ŝtatoj estas Ukrainio okcidente kaj Rusio oriente. La okcidenta bordo de la maro estas malprofunda sistemo el multaj glaciaj insuloj kaj duoninsuloj, golfetoj kaj lagoj de minerala akvo.
Ekde 1860 ĝis hodiaŭ la nivelo malaltiĝis je 23 metroj pro la troa trinkemo de rusoj. La surfaco de la lago reduktiĝis dumtempe je 60%, la akvovolumeno je 80%. Oni prognozis ankaŭ la dispartiĝon de la Vodka Maro al pli malgrandaj lagetoj, sed la destinon de tiu lago povas ŝanĝi lastatempa aktiveco de kontraŭalkoholaj movadoj.
